हडपसर विभागात व्यावसायिक जाहिरातबाजी वाढली – PMC प्रशासन गप्प!
हडपसर:
पुणे महानगरपालिकेच्या हडपसर क्षेत्रीय कार्यालयाच्या कार्यक्षेत्रात अनेक व्यावसायिक व बिल्डर यांच्याकडून रस्त्याच्या कडेला, सार्वजनिक ठिकाणी आणि शासकीय मालमत्तेवर मोठ्या प्रमाणात अनधिकृत बॅनरबाजी व जाहिरातबाजी केली जात आहे. यामुळे परिसराचा विद्रुपीकरण होत असून सामान्य नागरिकांना या अतिक्रमणामुळे मोठा त्रास सहन करावा लागत आहे.
हे सर्व PMC प्रशासनाच्या नजरेत असूनदेखील आजपर्यंत कुठलीही ठोस कारवाई करण्यात आलेली नाही. पुणे महानगरपालिकेचे संबंधित विभाग, विशेषतः अतिक्रमण व जाहिरात नियंत्रण विभाग याबाबत निष्क्रिय असल्याचा आरोप नागरिकांकडून होत आहे.
विशेष म्हणजे, स्थानिक गोरगरीब विक्रेत्यांवर मात्र लवकर कारवाई करत त्यांना त्रास दिला जातो, पण दुसरीकडे मोठ्या बिल्डर, व्यावसायिक व राजकीय पक्षांच्या जाहिरातींवर कुठलीही कारवाई केली जात नाही, ही दुजाभावाची वागणूक असल्याचे नागरिकांचे म्हणणे आहे.
या पार्श्वभूमीवर PMC प्रशासनाने त्वरित कारवाई करावी, तसेच जबाबदार अधिकाऱ्यांवर प्रशासनात्मक कारवाई करून सर्वसामान्य नागरिकांचा विश्वास पुन्हा प्रस्थापित करावा, अशी मागणी जोर धरत आहे
.> 📢
हडपसर परिसरात सार्वजनिक जागांवर मोठ्या प्रमाणात व्यावसायिक आणि बिल्डरकडून बॅनरबाजी आणि अनधिकृत जाहिरातबाजी सुरु आहे!
पुणे महानगरपालिकेच्या हडपसर क्षेत्रीय कार्यालयाच्या नजरेसमोरच हा प्रकार सुरु असूनही अद्याप कुठलीही कारवाई केली गेलेली नाही.
एकीकडे गोरगरीब विक्रेत्यांवर त्वरित कारवाई केली जाते, तर दुसरीकडे मोठ्या बिल्डर आणि व्यावसायिकांच्या जाहिरातींवर PMC प्रशासन गप्प का?
प्रशासनाच्या या दुजाभावाच्या भूमिकेमुळे नागरिकांमध्ये संताप व्यक्त होतोय.
PMCने त्वरित कारवाई करावी, अन्यथा लोक आंदोलनाच्या तयारीत आहेत!
🎤 Crime Maharashtra Live News
—
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.
