भ्रष्टाचाराचा कळस चक्क डांबर प्लांट समोर निकृष्ट दर्जाचा डांबरी रस्ता
येरवडा (पुणे) – भारतरत्न डॉ. बाबासाहेब आंबेडकर चौक ते बिंदू माधव बाळासाहेब ठाकरे चौक (डांबर प्लांट समोर) रस्त्याच्या निकृष्ट कामाबाबत तीव्र संताप
येरवडा, पुणे येथील भारतरत्न डॉ. बाबासाहेब आंबेडकर चौक ते बिंदू माधव बाळासाहेब ठाकरे चौक, डांबर प्लांट समोरील रस्त्यावर ठेकेदारामार्फत करण्यात आलेले दुरुस्तीचे काम अत्यंत निकृष्ट दर्जाचे असल्याचा आरोप सामाजिक कार्यकर्ते सचिन भोसले यांनी केला आहे.
सदर ठिकाणी रस्त्यावर केवळ डांबराचे पाणी मारून त्यावर खडी टाकण्यात आल्याचे स्पष्ट दिसत आहे. संपूर्ण रस्त्यावर सैल खडी पसरलेली असून त्यामुळे अनेक वाहनचालक घसरून अपघातग्रस्त झाले आहेत. विशेषतः दुचाकी वाहनधारक आणि ॲक्टिवा सारख्या मोपेड चालकांना मोठा धोका निर्माण झाला आहे.
सचिन भोसले यांनी प्रश्न उपस्थित केला आहे की, ठेकेदार फक्त पैसे कमवण्यासाठी काम करत आहे का? तसेच पालिका प्रशासन या कामाची पाहणी का करत नाही? हे काम म्हणजे भ्रष्टाचाराचा कळस असल्याची तीव्र प्रतिक्रिया त्यांनी व्यक्त केली आहे.
जर संबंधित रस्ता तात्काळ दर्जेदार पद्धतीने दुरुस्त करण्यात आला नाही, तर नागरिकांच्या वतीने तीव्र आंदोलन छेडण्यात येईल, असा इशारा त्यांनी दिला आहे. संबंधित ठेकेदारावर तातडीने कारवाई करून त्याला ब्लॅकलिस्ट करण्यात यावे, ही प्रमुख मागणी करण्यात आली आहे.
तसेच नागरिकांना आवाहन करण्यात येत आहे की, भारतरत्न डॉ. बाबासाहेब आंबेडकर चौक ते बिंदू माधव बाळासाहेब ठाकरे चौक, डांबर प्लांट समोरील रस्त्यावरून प्रवास करताना विशेष काळजी घ्यावी. दुचाकी व मोपेड चालकांनी विशेष सतर्कता बाळगावी. जोपर्यंत रस्त्यावरील सैल खडी पूर्णपणे काढून व्यवस्थित डांबरीकरण केले जात नाही, तोपर्यंत वाहन सावधगिरीने चालवावे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
