नांदेड | दि. १ सप्टेंबर २०२६ : मांजरम बस स्टॉप परिसरातील नागरिक, विद्यार्थी, महिला, ज्येष्ठ नागरिक तसेच प्रवाशांच्या सुरक्षिततेच्या दृष्टीने महत्त्वपूर्ण असलेल्या गतिरोधक बसविण्याच्या कामाला नायगाव सार्वजनिक बांधकाम विभागाच्या (PWD) वतीने सुरुवात करण्यात आली आहे. बस स्टॉप परिसरात वाहनांची मोठ्या प्रमाणात वर्दळ असल्याने येथे अपघाताचा धोका निर्माण होत होता. त्यामुळे या ठिकाणी गतिरोधक बसविण्याची मागणी ग्रामस्थांकडून सातत्याने करण्यात येत होती.
या संदर्भात ग्रामस्थांच्या वतीने भास्कर दिगंबरराव पाटील गायकवाड, मांजरम यांनी नांदेड येथील सार्वजनिक बांधकाम विभाग तसेच जिल्हाधिकारी कार्यालयाकडे सविस्तर निवेदन देऊन बस स्टॉप परिसरात गतिरोधक उभारण्याची मागणी केली होती. या मागणीची प्रशासनाने दखल घेत नायगाव PWD विभागाने प्रत्यक्ष कामाला सुरुवात केली आहे.
बस स्टॉप परिसरातील वाढती वाहतूक आणि प्रवाशांची सुरक्षितता लक्षात घेता गतिरोधकामुळे वाहनांच्या वेगावर नियंत्रण येण्यास मदत होणार असून, नागरिकांच्या सुरक्षिततेतही वाढ होण्याची अपेक्षा आहे.
दरम्यान, गतिरोधकाचे काम पूर्ण झाल्यानंतर पुढील तीन ते चार दिवसांत उर्वरित सुरक्षा कामे करण्यात येणार असल्याची माहिती देण्यात आली आहे. यामध्ये झेब्रा क्रॉसिंगच्या पट्ट्या, रिफ्लेक्टर आणि दिशादर्शक फलक बसविण्यात येणार आहेत. त्यामुळे बस स्टॉप परिसरातील वाहतूक अधिक शिस्तबद्ध आणि सुरक्षित होण्यास मदत होणार आहे.
ग्रामस्थांच्या मागणीची तातडीने दखल घेऊन प्रत्यक्ष कामाला सुरुवात केल्याबद्दल नायगाव PWD विभागाचे अभियंते धाबे साहेब तसेच संबंधित अधिकारी व कर्मचारी यांचे मांजरम ग्रामस्थांच्या वतीने आभार व्यक्त करण्यात आले आहेत.
“रस्ता सुरक्षा आणि नागरिकांची सुरक्षितता ही प्रशासनाची प्राथमिकता असावी. मागणीची दखल घेऊन कामाला सुरुवात झाल्याने समाधान आहे. उर्वरित कामही लवकरात लवकर पूर्ण व्हावे,” अशी अपेक्षा ग्रामस्थांकडून व्यक्त करण्यात आली आहे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
