पुणे : जुन्नर तालुक्यात आणि परिसरामध्ये रात्रीच्या वेळी घरफोड्या करून धुमाकूळ घालणाऱ्या एका आंतरजिल्हा टोळीला पुणे ग्रामीण एलसीबी (स्थानिक गुन्हे शाखा) आणि ओतूर पोलिसांनी संयुक्त कारवाई करत जेरबंद केले आहे. या कारवाईत पोलिसांनी तीन मुख्य आरापींसह चोरीचा माल विकत घेणाऱ्या एकाला अटक केली असून, त्यांच्याकडून एकूण ३८,५०,००० रुपये किमतीचा मुद्देमाल जप्त करण्यात आला आहे.
पुणे ग्रामीण पोलीस अधीक्षक कार्यालयाने प्रसिद्ध केलेल्या माहितीनुसार, ओतूर पोलीस स्टेशनच्या हद्दीत दिनांक ०५/१०/२०२६ रोजी अज्ञात चोरांनी घराचे कुलूप तोडून सोन्या-चांदीचे दागिने लांबवल्याची घटना घडली होती. याशिवाय ओतूर आणि नारायणगाव परिसरात अशाच प्रकारच्या चोरीच्या घटना वाढल्याने, याची गंभीर दखल घेत पुणे ग्रामीणचे पोलीस अधीक्षक श्री. संदीप सिंह गिल्ल यांनी स्थानिक गुन्हे शाखेला गुन्हे लवकरात लवकर उघडकीस आणण्याचे आदेश दिले होते.
१५० सीसीटीव्ही कॅमेरे तपासून लावला माग
गुन्ह्याचा समांतर तपास करत असताना स्थानिक गुन्हे शाखेच्या पथकाने घटनास्थळावरील सीसीटीव्ही फुटेजची पाहणी केली. तपासामध्ये एक संशयित कार दिसून आली. पोलिसांनी तांत्रिक तपासाचा धागा पकडत ओतूरपासून थेट नाशिकपर्यंतचा सुमारे १५० सीसीटीव्ही कॅमेऱ्यांचा प्रवास तपासत या गाडीचा सखोल माग काढला. नाशिकमधील इंदिरानगर व वडाळा परिसरात गोपनीय बातमीदारांमार्फत शोध घेतला असता, वडाळा येथे राहणारा सोनू उर्फ शरीफ रसूल शेख हा ती कार वापरत असल्याचे निष्पन्न झाले.
असे आहेत जेरबंद केलेले आरोपी:
पोलिसांनी सापळा रचून खालील आरोपींना ताब्यात घेतले:
१. वसीम मुनीर पठाण (वय २९, रा. पिंपळगाव नजीक, लासलगाव, ता. निफाड, नाशिक)
२. अदनान युनूस पठाण (वय २६, रा. वडाळा, इंदिरानगर, नाशिक, मूळ रा. लासलगाव)
३. सोनू उर्फ मोहम्मद शरीफ रसूल शेख (वय ४०, रा. पिंपळगाव नजीक, लासलगाव, नाशिक)
तसेच, या आरोपींकडून चांदीचे दागिने विकत घेणारा सागर अशोक शिंदे (वय ३०, रा. विंचूर, ता. निफाड, नाशिक) यालाही पोलिसांनी बेड्या ठोकल्या आहेत. विशेष म्हणजे, हे सराईत गुन्हेगार पोलिसांच्या हातावर तुरी देण्यासाठी आणि एकमेकांशी संपर्क साधण्यासाठी वायरलेस वॉकी-टॉकीचा वापर करत होते, जे पोलिसांनी जप्त केले आहेत.
३८ लाख ५० हजारांचा ऐवज जप्त व गुन्हे उघड
पोलिसांनी कसून चौकशी केल्यानंतर आरोपींनी गुन्ह्याची कबुली दिली असून, त्यांच्याकडून खालीलप्रमाणे मुद्देमाल जप्त करण्यात आला आहे:
१९ तोळे वजनाचे सोन्याचे दागिने
२ किलो ७७० ग्रॅम चांदीचे दागिने व भांडी
२,००,००० रुपये रोख रक्कम
गुन्ह्यात वापरलेली कार आणि वायरलेस वॉकी-टॉकी
एकूण जप्त मुद्देमाल मूल्य: ३८,५०,००० रुपये
या कारवाईमुळे ओतूर पोलीस स्टेशनचे ३ आणि नारायणगाव पोलीस स्टेशनचा १ असे एकूण ४ गंभीर घरफोडीचे गुन्हे उघडकीस आले आहेत.
मार्गदर्शन आणि कामगिरी:
सदरची उल्लेखनीय कामगिरी पुणे ग्रामीणचे पोलीस अधीक्षक श्री. संदीप सिंह गिल्ल, अपर पोलीस अधीक्षक श्री. गणेश बिरादार, अप्पर पोलीस अधीक्षक डॉ. शुभम कुमार आणि उपविभागीय पोलीस अधिकारी श्री. धनंजय पाटील यांच्या मार्गदर्शनाखाली स्थानिक गुन्हे शाखेचे पोलीस निरीक्षक श्री. प्रमोद क्षीरसागर, सहायक पोलीस निरीक्षक श्री. महादेव शेलार, ओतूर पोलीस स्टेशनचे सहायक पोलीस निरीक्षक श्री. ज्ञानेश्वर बाजगिरे, पोलीस उपनिरीक्षक युवराज जाधव तसेच स्थानिक गुन्हे शाखा व ओतूर पोलीस स्टेशनच्या अंमलदारांच्या पथकाने पार पाडली आहे. गुन्ह्याचा पुढील अधिक तपास ओतूर पोलीस करत आहेत.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
