पुणे:
पुण्यातील शिवाजीनगर पोलीस स्टेशन हद्दीत गणेश विसर्जन मिरवणुकीदरम्यान गर्दीचा फायदा घेऊन गणेश भक्तांचे मोबाईल फोन चोरणाऱ्या आणि दरोड्याच्या तयारीत असणाऱ्या तब्बल ११ जणांच्या टोळीला शिवाजीनगर पोलिसांनी जेरबंद केले आहे. या कारवाईत पोलिसांनी ६३ वेगवेगळ्या कंपन्यांचे मोबाईल फोन आणि एक शेवरलेट क्रुझ कार असा एकूण ३०,५७,०५० रुपयांचा मुद्देमाल हस्तगत केला आहे.
घटनेची पार्श्वभूमी आणि कारवाई:
दिनांक २६ सप्टेंबर २०२६ रोजी रात्री १२:०० ते सकाळी ६:३० या वेळेत पुणे शहरातील मध्यवर्ती भागात (जंगली महाराज रोड, फर्ग्युसन कॉलेज रोड, झांशीची राणी चौक, पुणे महानगरपालिका परिसर, लक्ष्मी रोड) गणेश विसर्जन मिरवणूक बघण्यासाठी मोठ्या प्रमाणात भाविक आले होते.
त्यादरम्यान, शिवाजीनगर पोलीस स्टेशनच्या निगराणी पथकाचे पोलीस उपनिरीक्षक अरविंद शिंदे यांना खबऱ्यामार्फत गुप्त बातमी मिळाली की, खुडे ब्रिज नदीपात्रा लगत ७ ते ८ इसम हत्यारानिशी दरोडा टाकण्याच्या तयारीने थांबले आहेत. सदरची माहिती वरिष्ठांना कळविल्यानंतर, वरिष्ठ पोलीस निरीक्षक गिरीशकुमार दिघावकर आणि पोलीस निरीक्षक (गुन्हे) अमर काळंगे यांनी पोलीस उपनिरीक्षक अरविंद शिंदे व पोलीस उपनिरीक्षक मनिषा वलसे यांना मिरवणुकीत गर्दीचा गैरफायदा घेऊन मोबाईल चोरी करणाऱ्यांचा शोध घेण्याबाबत महत्त्वाच्या सूचना व मार्गदर्शन केले.
त्यानंतर, पोलीस निरीक्षक (गुन्हे) अमर काळंगे आणि निगराणी पथकाचे पोलीस उपनिरीक्षक अरविंद शिंदे यांनी आपल्या स्टाफच्या मदतीने दिनांक २६/०९/२०२६ रोजी सकाळी ५:१५ वाजता आरोपींना संशयास्पदरीत्या हेरले आणि सकाळी ६:५० वाजण्याच्या सुमारास त्यांना दरोड्याच्या तयारीत असताना ताब्यात घेतले.
अटक करण्यात आलेल्या आरोपींची नावे:
१. अब्दुल कादीर नुर मोहम्मद (वय २८ वर्षे, रा. गुलशेर नगर गल्ली नंबर ७, मालेगाव, नाशिक)
२. अब्दुल मालीक अब्दुल खालीक (वय २२ वर्षे, रा. गुलशेर नगर गल्ली नंबर १४, मालेगाव, नाशिक)
३. जीयाऊ रहेमान शौकत हुसेन (वय २६ वर्षे, रा. प्लॉट नंबर १२, स.नं. १०३/१, हीरा पुरा, जैतून अब्दूल कदीर मस्जिद, मालेगाव, नाशिक)
४. मोहम्मद अस्वद मोहम्मद अजमल (वय ३१ वर्षे, रा. सालेम मुनशी नगर, गल्ली नंबर २, सर्वे नंबर २१४, घर नंबर ८९, मालेगाव, नाशिक)
५. फैसल अजीज खान (वय २४ वर्षे, रा. प्लॉट नंबर ३३/४२, सर्वे नंबर १२०/२ अ, हिरापुरा, मालेगाव, जि. नाशिक)
६. हुजेफा अंजुम मोहमंद साजीद (वय ३० वर्षे, रा. घर नंबर २३४/२८८/२, रसूल्पुअर रविवार वार्ड, मालेगाव, ता. मालेगाव, जि. नाशिक)
७. जुबेर अहमद मुख्तार अहमद (वय ३५ वर्षे, रा. गल्ली नंबर ९, गुलशेर नगर, मालेगाव, ता. मालेगाव, जि. नाशिक)
८. अझर अहेमद अल्लाफ अहेमद मोमीन (वय ३० वर्षे, रा. गुलशर नगर, गल्ली नंबर २, मालेगाव, ता. मालेगाव, जि. नाशिक)
९. नावेद अख्तार शफीक अहमद अन्सारी (वय ३३ वर्षे, रा. गिरणारोड, हिरापुरा, प्लॉट नंबर ६०, मालेगाव, जि. नाशिक)
१०. अतहर अहमद एजाज अहमद (वय २३ वर्षे, रा. गल्ली नंबर ५, स.नं. १५९, प्लॉट नंबर १६, मुस्लीम नगर बी, मालेगाव, जि. नाशिक)
११. अतुल मारोती इंगळे (वय २४ वर्षे, रा. मु.पो. गिरोली मनोरा, वाशीम)
हस्तगत करण्यात आलेला मुद्देमाल:
आरोपींच्या ताब्यातून एकूण ६३ नग वेगवेगळ्या कंपनीचे मोबाईल फोन, शेवरलेट कंपनीची क्रुझ कार, दोन सुऱ्या, कटर आणि लाल मिरची पावडर असा एकूण ३०,५७,०५०/- रुपये किमतीचा मुद्देमाल जप्त करण्यात आला आहे.
गुन्हा दाखल:
सदर आरोपींविरोधात शिवाजीनगर पोलीस स्टेशन येथे गु.र.नं. २५३/२०२६ नुसार भारतीय न्याय संहितेच्या (BNS) कलम ३९०(८), ३१०(२), ३०९(८), तसेच आर्म अॅक्ट कलम ४, २५ आणि महाराष्ट्र पोलीस कायद्याच्या कलम ३७(१)(३), १३५ अन्वये गुन्हा दाखल करून त्यांना अटक करण्यात आली आहे. या गुन्ह्याचा पुढील तपास पोलीस उपनिरीक्षक अरविंद शिंदे करीत आहेत.
मार्गदर्शन आणि कामगिरी करणारे पथक:
सदरची ही यशस्वी कामगिरी पुणे शहरचे पोलीस आयुक्त अमितेशकुमार, पोलीस सह आयुक्त संजय दराडे, अपर पोलीस आयुक्त राजेश बनसोडे, पोलीस उपायुक्त (परिमंडळ १) ऋषिकेश रावले आणि साहाय्यक पोलीस आयुक्त (विश्रामबाग विभाग) श्रीमती अनुजा देशमाने यांच्या मार्गदर्शनाखाली
वरिष्ठ पोलीस निरीक्षक गिरीशकुमार दिघावकर, पोलीस निरीक्षक (गुन्हे) अमर काळंगे, पोलीस उपनिरीक्षक अरविंद शिंदे, पोलीस उपनिरीक्षक मनिषा वलसे, सपोफौ प्रदिप खळदकर, आणि पोलीस अंमलदार गणेश चोबे, तेजस चोपडे, बिडे, वालकोळी, गणेश जाधवर, सावके, वाघ, बेडवाल, भोसले, चोपडे, येसणपुरे यांच्या पथकाने पार पाडली आहे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
