विशेष प्रतिनिधी / नायगाव
नायगाव तालुक्यातील दरेगाव येथे शेतात मुगाच्या शेंगा तोडत असताना विषारी सर्पदंश झाल्यामुळे एका ४८ वर्षीय शेतकरी महिलेचा मृत्यू झाल्याची अत्यंत दुर्दैवी घटना घडली आहे. श्रीमती जनाबाई अशोक पाटील शिंदे असे मृत महिलेचे नाव असून, या दुर्घटनेमुळे दरेगाव परिसरात हळहळ व्यक्त होत असून गावावर शोककळा पसरली आहे.
घटनाक्रम
दरेगाव येथील शेतकरी अशोक शिंदे व त्यांच्या पत्नी जनाबाई शिंदे हे नेहमीप्रमाणे मंगळवारी सकाळी आपल्या शेतात कामासाठी गेले होते. शेतात मुगाच्या शेंगा तोडण्याचे काम सुरू असताना अशोक शिंदे हे काही अंतरावर इतर कामासाठी गेले होते. याच दरम्यान, कडक उष्णतेमुळे जमिनीबाहेर आलेल्या एका विषारी सापावर जनाबाई यांचा अचानक पाय पडला. डिवचल्या गेलेल्या सापाने तत्काळ त्यांच्या पायाला दंश केला.
उपचारापूर्वीच अंत
सर्पदंश झाल्यानंतर जनाबाई यांची प्रकृती अचानक खालावली आणि त्या प्रचंड घाबरल्या. त्यांच्या मदतीसाठी पती आणि शेजारील शेतकऱ्यांनी तात्काळ धाव घेतली. प्रकृतीचे गांभीर्य लक्षात घेऊन त्यांना उपचारासाठी मांजरम प्राथमिक आरोग्य केंद्राकडे तातडीने हलवण्यात आले. मात्र, विष शरीरात वेगाने पसरल्यामुळे रुग्णालयात पोहोचण्यापूर्वीच वाटेतच त्यांची प्राणज्योत मालवली.
शोककळा आणि अंत्यसंस्कार
या दुर्दैवी घटनेची माहिती मिळताच दरेगावात एकच खळबळ उडाली. जनाबाई यांच्या आकस्मिक निधनाने कुटुंबीय, नातेवाईक तसेच ग्रामस्थांवर दुःखाचा डोंगर कोसळला आहे. त्यांच्या पश्चात पती अशोक शिंदे, एक अविवाहित मुलगा, दोन विवाहित मुली असा परिवार असून त्या राहुल अशोक पाटील शिंदे यांच्या मातोश्री होत.
मंगळवारी सायंकाळी उशिरा दरेगाव येथे अत्यंत शोकाकुल वातावरणात त्यांच्या पार्थिवावर अंत्यसंस्कार करण्यात आले. या वेळी परिसरातील नागरिक, ग्रामस्थ व नातेवाईक मोठ्या संख्येने उपस्थित होते. सदर घटनेची माहिती दरेगावचे माजी सरपंच संभाजी शिंदे यांनी दिली. शेतात काम करताना शेतकऱ्यांनी विशेष काळजी घ्यावी, अशी भावना या निमित्ताने व्यक्त होत आहे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
