पुणे पोलिसांचा सकारात्मक उपक्रम: अल्पवयीन मुलांच्या पुनर्वसनासाठी मानसिक आरोग्य कार्यशाळेचा समारोप
पुणे, दि. 07 एप्रिल 2026 – पुणे पोलिस आणि टीएफसी – द फुल सर्कल संस्थेच्या संयुक्त विद्यमाने आयोजित करण्यात आलेल्या अल्पवयीन मुलांसाठीच्या मानसिक आरोग्य कार्यशाळेचा यशस्वी समारोप व सन्मान सोहळा पार पडला.
ही कार्यशाळा लष्कर पोलीस स्टेशन अंतर्गत विधिसंघर्षित बालकांसाठी आयोजित करण्यात आली होती. सुमारे आठ आठवड्यांच्या कालावधीत चाललेल्या या उपक्रमात राग नियंत्रण (Anger Management) व आवेग नियंत्रण (Impulse Control) या महत्त्वाच्या विषयांवर विशेष भर देण्यात आला.
कार्यक्रमादरम्यान मुलांना त्यांच्या भावनांचे आकलन करून योग्य निर्णय घेण्याचे प्रशिक्षण देण्यात आले. कथा सांगणे, भूमिकानुभव, समूह चर्चा आणि कला-आधारित उपक्रमांद्वारे मुलांमध्ये सकारात्मक बदल घडवून आणण्यात आले.
या उपक्रमामुळे अल्पवयीन मुलांच्या वर्तनात व भावनिक जाणिवेत लक्षणीय सुधारणा दिसून आली असून त्यांनी दैनंदिन जीवनात सकारात्मक निर्णय घेण्याची क्षमता विकसित केली आहे. तसेच शिक्षणाची आवड, प्रामाणिक मार्गाने उपजीविका करण्याची तयारी आणि समाजात सन्मानाने जगण्याची इच्छा निर्माण झाल्याचे निदर्शनास आले.
कार्यक्रमाच्या समारोपावेळी पोलीस आयुक्त अमितेश कुमार यांनी मुलांशी व त्यांच्या पालकांशी संवाद साधत, पोलिसांची भूमिका केवळ कायद्याची अंमलबजावणी न राहता पुनर्वसनाला प्राधान्य देणारी असल्याचे स्पष्ट केले.
या सन्मान सोहळ्यास पोलीस उपायुक्त राजलक्ष्मी शिवणकर, पुणे पोलिस दलातील वरिष्ठ अधिकारी, सहभागी मुलं व त्यांचे पालक तसेच टीएफसी संस्थेचे प्रतिनिधी मोठ्या संख्येने उपस्थित होते.
तसेच, भविष्यातही अशा प्रकारचे उपक्रम राबवून अधिकाधिक मुलांपर्यंत मानसिक आरोग्य सेवा पोहोचवण्याचा निर्धार आयोजकांनी व्यक्त केला आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
