पुणे शहर पोलीस आयुक्तालयाच्या भारती विद्यापीठ पोलीस स्टेशन हद्दीत पोलिसांनी धडक कारवाई करत तीन गावठी बनावटीचे कट्टे आणि चार जिवंत काडतुसे जप्त केली आहेत. या प्रकरणी दोन वेगवेगळ्या कारवायांमध्ये रेकॉर्डवरील गुन्हेगारांना अटक करण्यात आली आहे.
पहिली कारवाई दिनांक २६/०८/२०२६ रोजी करण्यात आली. भारती विद्यापीठ पोलीस स्टेशन हद्दीत पेट्रोलींग करीत असताना, साई सिध्दी चौक ते चिंतामणी ज्ञानपीठ दरम्यानच्या श्री कोचिंग क्लासेसच्या समोरील गल्लीमध्ये पोलीस उप-निरीक्षक रवि जाधव, पोलीस अंमलदार मितेश चोरमले, सागर बोरगे व अभिनय चौधरी यांना एक संशयित तरुण आढळला. पोलिसांनी त्याची झडती घेतली असता, ओंकार उर्फ बब्या संतोष पवार (वय १८ वर्षे, रा. तापकीर चाळ, साई सिध्दी चौकाजवळ, शिवशंभे गल्ली क्र.२, आंबेगाव पठार, पुणे) याच्या ताब्यात १ गावठी बनावटीचा कट्टा व २ जिवंत काडतुसे मिळून आली. त्याच्याकडून शस्त्रे जप्त करून भारती विद्यापीठ पोलीस स्टेशन येथे गु.र.नं. ४४१/२०२६ आर्म अॅक्ट ३(२५), सी. म.पो.अधि.कलम ३७(१)(३) सह १३५ प्रमाणे गुन्हा दाखल करण्यात आला आहे.
दुसरी कारवाई दिनांक २७/०८/२०२६ रोजी करण्यात आली. तपास पथकाचे पोलीस उप-निरीक्षक निलेश मोकाशी, मितेश चोरमले, सागर बोरगे व अभिनय चौधरी यांना मिळालेल्या गोपनीय बातमीनुसार, कात्रज डेअरी ते सरहद्द चौक दरम्यान कात्रज डेअरीच्या भिंतीजवळ एक इसम अग्निशस्त्रासह थांबल्याची माहिती मिळाली. पोलिसांनी त्या ठिकाणी सापळा रचून शिरीष जितेंद्र खोपडे (वय २६ वर्षे, रा. श्री गणेश निवास, स.नं. ३२/१०, आंबेगाव पठार, पुणे) याला ताब्यात घेतले. त्याच्या झडतीत २ गावठी बनावटीचे कट्टे व २ जिवंत काडतुसे मिळून आल्याने ती जप्त करण्यात आली. त्याच्याविरुद्ध भारती विद्यापीठ पोलीस स्टेशन येथे गु.र.नं. ४४४/२०२६ आर्म अॅक्ट ३(२५), सी. म.पो.अधि.कलम ३७(१)(३) सह १३५ प्रमाणे गुन्हा दाखल करण्यात आला आहे. हे दोन्ही आरोपी रेकॉर्डवरील सराईत गुन्हेगार आहेत.
ही धडक कारवाई अपर पोलीस आयुक्त (पश्चिम प्रादेशिक विभाग, पुणे शहर) श्री. राजेश बनसोडे, पोलीस उपायुक्त (परिमंडळ २, पुणे शहर) श्री. मिलिंद मोहिते, आणि सहायक पोलीस आयुक्त (भारती विद्यापीठ विभाग, पुणे शहर) श्री. राहुल आवारे यांच्या मार्गदर्शनाखाली पार पडली. तसेच भारती विद्यापीठ पोलीस स्टेशनचे वरिष्ठ पोलीस निरीक्षक श्री. सुदर्शन गायकवाड व पोलीस निरीक्षक (गुन्हे) श्री. संतोष जाधव यांच्या सूचनांनुसार पोलीस उप-निरीक्षक निलेश मोकाशी, पोलीस उप-निरीक्षक रवि जाधव, पोलीस अंमलदार मितेश चोरमले, सागर बोरगे, अभिनय चौधरी, सचिन सरपाले, मंगेश पवार, निलेश खैरमोडे, सोहम शेंडकर, तुकाराम सुतार, संदिप आगळे, मंगेश गायकवाड, किरण साबळे, मल्लीकार्जुन कोळी, आणि कृष्णा म्हस्के यांच्या पथकाने ही कामगिरी केली आहे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
