पुणे (विशेष प्रतिनिधी):
पुणे शहर पोलीस दलाच्या काळेपडळ पोलीस स्टेशनच्या तपास पथकाने (DB Team) गुन्हेगारी जगताला मोठा हादरा दिला आहे. काळेपडळ पोलीस स्टेशनच्या हद्दीत पेट्रोलिंग करत असताना मिळालेल्या गुप्त माहितीच्या आधारे, पोलिसांनी सापळा रचून रेकॉर्डवरील भयंकर गुन्हेगार आणि तडीपार आरोपींना बेड्या ठोकल्या आहेत. या धडक कारवाईत पोलिसांनी आरोपींकडून एकूण १,४४,००० रुपये किमतीचे दोन गावठी बनावटीचे पिस्टल (अग्निशस्त्रे), चार मॅगझीन आणि चार जिवंत काडतुसे (राऊंड) जप्त केली आहेत.
अंधाराचा फायदा घेऊन आरोपीचा पळ काढण्याचा प्रयत्न
काळेपडळ पोलीस स्टेशन हद्दीत तपास पथकातील पोलीस अधिकारी व पोलीस अंमलदार हे कायदा व सुव्यवस्था राखण्यासाठी पेट्रोलिंग करत होते. दरम्यान, पोलीस अंमलदार विशाल ठोंबरे, गिरीराज जगदाळे, अतुल पंधरकर व महादेव शिंदे यांना त्यांच्या खास गोपनीय बातमीदाराकडून अत्यंत महत्त्वाची माहिती मिळाली. हेवन पार्क ते लक्ष्मीपार्ककडे जाणाऱ्या मधल्या कच्च्या रस्त्यावर अंधारात, रेकॉर्डवरील सराईत गुन्हेगार आकाश संतोष भारती, गणेश बबन लोंढे आणि त्यांचे इतर दोन साथीदार एखादा मोठा दखलपात्र गुन्हा करण्याच्या हेतूने संशयास्पद वस्तू जवळ बाळगून थांबले आहेत, अशी ती माहिती होती. तसेच त्यांच्याकडे प्राणघातक अग्निशस्त्रे असण्याची दाट शक्यताही वर्तवण्यात आली होती.
पोलीस अंमलदारांनी तात्काळ या घटनेचे गांभीर्य ओळखून तपास पथकाचे अधिकारी सहाय्यक पोलीस निरीक्षक (सपोनि) अमित शेटे व पोलीस उप-निरीक्षक (पोउनि) विनायक गुरव यांना अवगत केले. त्यांनी ही माहिती तात्काळ वरिष्ठ पोलीस निरीक्षक श्रीमती गिरीषा निंबाळकर यांना दिली. वरिष्ठ पोलीस निरीक्षक निंबाळकर यांनी परिस्थितीचे गांभीर्य लक्षात घेऊन तात्काळ घटनास्थळी जाऊन योग्य ती कायदेशीर कारवाई करण्याचे आदेश दिले.
पोलिसांची पहिली झडप; मुद्देमाल जप्त
वरिष्ठ अधिकाऱ्यांच्या आदेशानुसार सपोनि अमित शेटे, पोउनि विनायक गुरव आणि त्यांच्या संपूर्ण पोलीस स्टाफने हेवनपार्क ते लक्ष्मीपार्ककडे जाणाऱ्या रोडलगत असलेल्या मोकळ्या जागेच्या आडबाजूला वेढा घातला. पोलिसांनी योग्य वेळी अचानक छापा टाकून रेकॉर्डवरील मुख्य आरोपी आकाश भारती आणि त्याचा साथीदार दिपक बिष्ट या दोघांना अत्यंत शिताफीने ताब्यात घेतले. मात्र, याच दरम्यान रात्रीच्या अंधाराचा फायदा घेऊन त्यांचा तिसरा साथीदार गणेश लोंढे हा पोलिसांना गुंगारा देऊन घटनास्थळावरून पळून जाण्यात यशस्वी ठरला.
ताब्यात घेतलेल्या आकाश भारती आणि दिपक बिष्ट यांची कसून अंगझडती घेतली असता, त्यांच्याकडे १ गावठी बनावटीचे पिस्टल, १ अधिकचे मॅगझिन आणि २ जिवंत राऊंड मिळून आले. पोलिसांनी हा सर्व मुद्देमाल दिनांक ०२/०६/२०२६ रोजी रीतसर जप्त केला.
फरारी आरोपीला जंगलातून ठोकल्या बेड्या
अंधाराचा फायदा घेऊन पळून गेलेल्या गणेश लोंढे या तडीपार आरोपीचा शोध घेण्यासाठी पोलिसांनी आपले जाळे पसरवले. दरम्यान, पोलिसांच्या गुप्त बातमीदाराकडून पुन्हा एक मोलाची माहिती मिळाली. पळून गेलेला आरोपी गणेश लोंढे हा दगाई माता फॉरेस्ट, तरवडे वस्तीच्या मागे दडून बसल्याची माहिती पोलिसांना मिळाली. त्यानुसार तपास पथकाने तात्काळ दगाई माता फॉरेस्ट परिसरात धाव घेऊन अत्यंत हुशारीने सापळा रचला आणि दिनांक ०४/०६/२०२६ रोजी गणेश लोंढे याला देखील ताब्यात घेतले. त्याची अंगझडती घेतली असता, त्याच्याकडूनही पोलिसांनी १ गावठी बनावटीचे पिस्टल, १ अधिकचे मॅगझिन आणि २ जिवंत राऊंड जप्त केले.
अटक करण्यात आलेल्या आरोपींची सविस्तर माहिती:
१) आकाश संतोष भारती (वय २७ वर्षे, रा. तरवडे वस्ती, महंमदवाडी रोड, पुणे) — (रेकॉर्डवरील गुन्हेगार)
२) दिपक राम बिस्ट (वय २० वर्षे, रा. हांडेवाडी रोड, हडपसर, पुणे)
३) गणेश Bबन लोंढे (वय २५ वर्षे, रा. पांढरे मळा, हडपसर, पुणे) — (वानवडी पोलीस स्टेशनकडील रेकॉर्डवरील तडीपार आरोपी)
विविध गंभीर कलमांतर्गत गुन्हा दाखल
या प्रकरणी अटक करण्यात आलेल्या सर्व आरोपींविरुद्ध काळेपडळ पोलीस स्टेशन येथे गु.र.नं. २५०/२०२६, आर्म ऍक्ट कलम ३(२५), महाराष्ट्र पोलीस कायदा कलम ३७(१)(३) सह १३५, १४२, आणि भारतीय न्याय संहिता (BNS) कलम ३(५) अन्वये गंभीर गुन्हे दाखल करण्यात आले आहेत. आरोपींना गुन्यात रीतसर अटक करण्यात आली असून, या गुन्ह्याचा पुढील तपास सहाय्यक पोलीस निरीक्षक (सपोनि) अमित शेटे हे करत आहेत.
या वरिष्ठ अधिकाऱ्यांच्या मार्गदर्शनाखाली झाली कामगिरी:
सदरची धडक आणि यशस्वी कामगिरी मा. पोलीस उप आयुक्त परिमंडळ ६, पुणे शहर श्री. जीवन बेनीवाल, मा. सहाय्यक पोलीस आयुक्त, हडपसर विभाग श्री. अतुल नवगिरे यांच्या थेट मार्गदर्शनाखाली आणि वरिष्ठ पोलीस निरीक्षक, काळेपडळ पोलीस स्टेशन श्रीमती गिरीषा निंबाळकर यांच्या सुचनांनुसार करण्यात आली.
तपास पथकात सामील असलेले अधिकारी व अंमलदार:
सहा. पो. निरी. अमित शेटे, पोउनि विनायक गुरव, पोलीस अंमलदार प्रविण काळभोर, अमोल फडतरे, दाऊद सय्यद, प्रतिक लाहिगुडे, शाहीद शेख, विशाल ठोंबरे, लक्ष्मण काळे, अतुल पंधरकर, नितीन ढोले, सद्दाम तांबोळी, प्रदिप बेडीस्कर, महादेव शिंदे आणि गिरीराज जगदाळे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
