पुणे, दि. २० नोव्हेंबर २०२६:
येरवडा पोलीस स्टेशन हद्दीत रात्रीच्या वेळी फिर्यादी यांना अडवून शिवीगाळ व मारहाण करत जबरी चोरी करून पसार झालेल्या आरोपीला येरवडा पोलिसांनी अटक केली आहे. या आरोपीकडून चोरीस गेलेला २०,००० रुपये किमतीचा सॅमसंग कंपनीचा मोबाईल फोन हस्तगत करण्यात आला असून, पुढील तपास सुरू आहे.
घटनेचा तपशील व दाखल गुन्हा
येरवडा पोलीस स्टेशन हद्दीतील पुणे-नगर रोडवरील एअरपोर्टकडे जाणाऱ्या रोडवर दुचाकीवरून आलेल्या तीन अनोळखी इसमांनी फिर्यादी यांना कोणतेही कारण नसताना शिवीगाळ व मारहाण केली होती. त्यानंतर त्यांनी फिर्यादी यांच्याकडील सॅमसंग कंपनीचा मोबाईल फोन, २ ग्रॅम वजनाची सोन्याची अंगठी आणि २९,६०० रुपये रोख रक्कम असा एकूण ५८,६०० रुपये किमतीचा ऐवज जबरदस्तीने चोरून नेला होता.
याप्रकरणी दिनांक ०९/११/२०२६ रोजी येरवडा पोलीस स्टेशन येथे गुरन. ३९५/२०२६ अन्वये भारतीय न्याय संहिता २०२३ च्या कलम ३०९(६), ३०९(४), १२६(२), ३५२, ३(५) नुसार गुन्हा दाखल करण्यात आला होता. प्रकार गंभीर स्वरूपाचा असल्याने वरिष्ठ पोलीस अधिकाऱ्यांनी आरोपींना तात्काळ ताब्यात घेण्याच्या सूचना दिल्या होत्या.
तपासाची चक्रे व आरोपीला अटक
पोलीस उपायुक्त (परिमंडळ ०४) श्री. चिलुमूला रजनिकांत आणि सहा. पोलीस आयुक्त (येरवडा विभाग) श्री. सुनिल जैतापुरकर यांच्या सूचनेनुसार, वरिष्ठ पोलीस निरीक्षक श्री. उमेश गित्ते यांच्या मार्गदर्शनाखाली तपास सुरू करण्यात आला.
गुन्हा दाखल झाल्यानंतर येरवडा पोलीस स्टेशनच्या तपास पथकातील पोलीस अंमलदार गणेश पालवे (ब.नं. १०७०६), नटराज सुतार (ब.नं. १२३४) आणि संदिप जायभाये (ब.नं. १०२४७) यांनी घटनास्थळ व परिसरातील एकूण ४० सीसीटीव्ही तपासले. सीसीटीव्हीचे तांत्रिक विश्लेषण व गुप्त बातमीदाराकडून मिळालेल्या खात्रीशीर माहितीनुसार, आरोपी कलवड वस्ती, लोहगाव भागात राहत असल्याचे निष्पन्न झाले.
त्यानुसार पथकाने तात्काळ कलवड वस्ती, लोहगाव येथील राहत्या पत्त्यावर जाऊन आरोपीला ताब्यात घेतले. चौकशीत त्याने त्याचे नाव रेहान अश्रफ शेख (वय १९, रा. स.नं. २६, कलवड वस्ती, लोहगाव, पुणे) असल्याचे सांगितले. गुन्ह्याबाबत सखोल चौकशी केली असता त्याने गुन्ह्याची कबुली दिली. त्यानंतर पुढील कारवाईसाठी त्याला येरवडा पोलीस स्टेशन येथे आणून अटक करण्यात आली. त्याच्याकडून फिर्यादी यांचा चोरीस गेलेला सॅमसंग कंपनीचा २०,००० रुपये किमतीचा मोबाईल फोन जप्त करण्यात आला आहे. या गुन्ह्याचा पुढील तपास पोलीस उप निरीक्षक किशोर बेरड करीत आहेत.
या अधिकाऱ्यांचे मार्गदर्शन व पथकाची कामगिरी
ही यशस्वी कामगिरी खालील वरिष्ठ अधिकाऱ्यांच्या मार्गदर्शनाखाली तपास पथकाने पार पाडली:
मार्गदर्शक अधिकारी:
श्री. अमितेश कुमार (पोलीस आयुक्त, पुणे शहर)
श्री. संजय दराडे (पोलीस सह आयुक्त)
श्री. मनोज पाटील (अप्पर पोलीस आयुक्त, पूर्व प्रादेशिक विभाग)
श्री. चिलुमूला रजनिकांत (पोलीस उपायुक्त, परिमंडळ ०४)
श्री. सुनिल जैतापुरकर (सहा. पोलीस आयुक्त, येरवडा विभाग)
श्री. उमेश गित्ते (वरिष्ठ पोलीस निरीक्षक, येरवडा पोलीस स्टेशन)
श्री. केशव दिंडे (पोनि – गुन्हे, येरवडा)
श्रीमती शारदा कोकाटे (पोनि – गुन्हे, येरवडा पोलीस स्टेशन)
तपास पथक:
किशोर बेरड (पोलीस उप निरीक्षक, तपास पथक प्रभारी अधिकारी)
मुकुंद कोकणे (पोहवा)
गणेश पालवे (पोलीस अंमलदार)
नटराज सुतार (पोलीस अंमलदार)
शैलेश वाबळे (पोलीस अंमलदार)
साईनाथ म्हस्के (पोलीस अंमलदार)
अनिल म्हाळकर (पोलीस अंमलदार)
प्रशांत कांबळे (पोलीस अंमलदार)
संदिप जायभाय (पोलीस अंमलदार)
सोमनाथ गायकवाड (पोलीस अंमलदार)
संदिप धादवड (पोलीस अंमलदार)

(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,























