पुणे, दि. २८ एप्रिल २०२६ : खराडी पोलीस स्टेशनच्या हद्दीत ५ वर्षांपासून फरार असलेल्या सराईत आरोपीला पोलिसांनी जाळ्यात अडकवत मोठी कारवाई केली आहे. या आरोपीकडून चोरी, जबरी चोरी आणि वाहन चोरीसह एकूण चार गुन्ह्यांचा उलगडा करण्यात पोलिसांना यश आले आहे.
चंदननगर पोलीस स्टेशन, पुणे शहर येथे गुन्हा रजिस्टर क्रमांक १८८/२०१९ भा.दं.वि. कलम ३९५, ३९६, ३४६, ३२३, ५०६, २०१ आणि आर्म अॅक्ट कलम ४(२५) अन्वये दाखल असलेल्या गुन्ह्यातील एक आरोपी म्हणून तेजस अमृत ठेरे याचा शोध सुरू होता. आरोपीने फिर्यादीचा मोबाईल, रोकड रक्कम, सोन्याची चैन, हातातील ब्रेसलेट, दुचाकी व चारचाकी वाहन असा सुमारे ३,८५,००० रुपयांचा मुद्देमाल जबरदस्तीने हिसकावून घेतल्याची तक्रार दाखल होती.
तसेच या गुन्ह्याच्या तपासात आरोपींनी फिर्यादीच्या मित्र राहुल शिवाजी आंब्रे (रा. वाघोली), राज तानाजी जाधव (रा. वडगाव शेरी) यांना मारहाण करून त्यांना गंभीर दुखापत केली होती. यानंतर पुरावे नष्ट करण्याच्या उद्देशाने त्यांची दोन्ही मृतदेहे नदीपात्रात फेकून दिल्याचे समोर आले. त्यामुळे या गुन्ह्यात भा.दं.वि. कलम ३६४, २०१ अन्वयेही कलमे वाढविण्यात आली होती.
या प्रकरणातील बहुतांश आरोपींना चंदननगर पोलिसांनी यापूर्वीच अटक केली होती. मात्र मुख्य आरोपी तेजस अमृत ठेरे हा गुन्हा घडल्यापासून पसार होता. न्यायालयाने त्याच्याविरोधात वारंट जारी केले होते. �
फरार आरोपीविरोधात खालील गुन्हे दाखल असल्याची माहिती समोर आली आहे :
खडक पोलीस ठाणे, पुणे शहर – गु.र. नं. ६६/२०१५, भा.दं.वि. कलम ३०७, १२०(ब), १४३, १४७, १४८, १४९ तसेच आर्म अॅक्ट व महाराष्ट्र पोलीस कायदा कलमे.
शिरूर पोलीस स्टेशन, पुणे ग्रामीण – गु.र. नं. ६१/२०१५, भा.दं.वि. कलम ४२०, ४२१, ३४.
मुंढवा पोलीस स्टेशन, पुणे शहर – गु.र. नं. २०३/२०१५, आर्म अॅक्ट कलम ४, २५ व महाराष्ट्र पोलीस कायदा कलम १३५.
चंदननगर पोलीस स्टेशन, पुणे शहर – गु.र. नं. १८८/२०१९. �
Kharadi P.St Press Note & Image Dt 28.04.2026_1.pdf
दि. २५ एप्रिल २०२६ रोजी पहाटे ३ वाजण्याच्या सुमारास खराडी पोलीस स्टेशनचे राजगड पथकातील पोलीस अंमलदार दत्तात्रय खरपे व अशोक केदार हे स्टेशन हद्दीत गस्त घालत असताना त्यांना माहिती मिळाली की फरार आरोपी तेजस अमृत ठेरे हा खराडी परिसरात फिरत आहे. त्यानंतर वरिष्ठ पोलीस निरीक्षक संजय चव्हाण यांच्या मार्गदर्शनाखाली पोलिसांनी सापळा रचत उबाळे नगर, खराडी येथे छापा टाकून आरोपीला ताब्यात घेतले.
या कारवाईमुळे ५ वर्षांपासून पोलिसांना गुंगारा देणारा आरोपी अखेर जेरबंद झाला असून, पुणे पोलिसांच्या सतर्कतेचे कौतुक होत आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
