पुणे-सोलापूर महामार्गावर शाळेच्या बसचा भीषण अपघात
पुणे, दि. 8 ऑक्टोबर — पुणे-सोलापूर महामार्गावरील कांबळे स्टॉप येथे आज सकाळी शाळेच्या बसचा भीषण अपघात झाला. सोलापूरच्या दिशेने निघालेल्या या बसमध्ये लहान मुलांचा प्रवास सुरू असताना अचानक झालेल्या अपघातात बसची मागील काच फुटली आणि लोखंडी सळ्या बसमध्ये शिरल्या.
या दुर्घटनेत काचेचे तुकडे लागल्याने अनेक विद्यार्थ्यांच्या डोक्याला दुखापत झाली असून मुले किरकोळ जखमी झाल्याची माहिती मिळत आहे. बसमध्ये सुमारे 60 विद्यार्थी प्रवास करत होते. विद्यार्थ्यांचे वय सुमारे पाच वर्षांपर्यंत असल्याचे शाळेच्या संचालिका भक्ती शेवाळे यांनी सांगितले.
अपघातानंतर महामार्गावरील वाहतूक दोन तासांहून अधिक काळ ठप्प राहिली होती. पोलिसांनी घटनास्थळी तात्काळ धाव घेत बचावकार्य सुरू केले. अपघाताचे नेमके कारण अद्याप समजू शकलेले नाही, मात्र पुढील तपास स्थानिक पोलिसांकडून सुरू आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
