“महिला आयोग अध्यक्षा आहे की महिलांचा अपमान करणारी प्रवक्ती?” शिवसेना महिला आघाडीचे आक्रमक आंदोलन – रुपाली चाकणकर यांच्या राजीनाम्याची जोरदार मागणी!
पुणे (दि. ३१ ऑक्टोबर २०२५) –
शिवसेना (उद्धव बाळासाहेब ठाकरे) महिला आघाडी पुणे शहराच्या वतीने आज निष्क्रिय आणि महिलांचा अपमान करणाऱ्या महिला आयोगाच्या अध्यक्षा रुपाली चाकणकर यांच्या विरोधात तीव्र आंदोलन करण्यात आले.
एक महिला असूनही आत्महत्याग्रस्त महिलेबाबत असंवेदनशील आणि अवमानकारक वक्तव्य करणाऱ्या रुपाली चाकणकर यांच्याकडून महिला आयोगाचे पद भूषविण्याचा कोणताही नैतिक अधिकार उरलेला नाही. त्यामुळे त्यांनी तात्काळ राजीनामा द्यावा, अशी जोरदार मागणी या आंदोलनादरम्यान करण्यात आली.
हे आक्रमक आंदोलन धायरी गारमाळ मुख्य रस्त्यावर असलेल्या रुपाली चाकणकर यांच्या संपर्क कार्यालयाबाहेर तसेच धायरी फाटा येथे दोन ठिकाणी एकाच वेळी घेण्यात आले.
या आंदोलनात शिवसेना महिला आघाडीच्या महिला पदाधिकाऱ्यांसह, युवती सेना कार्यकर्त्या आणि शिवसैनिकांनी उत्स्फूर्त आणि आक्रमक सहभाग नोंदवला. “महिला आयोग अध्यक्ष का महिलांचा अवमान आयोग?”, “रुपाली चाकणकर राजीनामा द्या!” अशा घोषणांनी परिसर दणाणून गेला.
शिवसेना महिला आघाडीच्या रेखा कोंडे म्हणाल्या की,
“महिला आयोग हे महिलांच्या सन्मानासाठी असतं, महिलांचा अपमान करण्यासाठी नव्हे. रूपाली चाकणकर यांनी आपली भूमिका सिद्ध केली आहे त्या महिलांच्या हक्कांची नाही, तर सत्ताधाऱ्यांच्या मुखपत्र आहेत!” त्यांनी त्वरित राजीनामा द्यावा.
या आंदोलनाद्वारे शिवसेना महिला आघाडीने स्पष्ट संदेश दिला की,
“महिलांचा अवमान करणाऱ्यांना महिला समाज माफ करणार नाही – आणि शिवसेना शांत बसणार नाही!”
यावेळी ज्योती चांदरे, अमृत पठारे, रेखा कोंडे, स्वाती कथलकर, जयश्री भणगे , विद्या होडे , निकिता मारटकर, सरोज कार्वेकर, सुनिता खंडाळकर, छाया भोसले, स्नेहल पाटोळे , सविता दगडे, अमृता शिंदे, माधुरी तुपे, करुणा घाडगे, वैशाली दारवटकर, मृण्मयी लिमये, विजया मोहिते संगीता नाईक गौरी चव्हाण वर्षा खलसे नेहा कुलकर्णी, नाझ इनामदार, कविता कोंडे, माधवी हेगडे, तसेच अनेक महिला पदाधिकारी उपस्थित होत्या.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
