राहुरीत छत्रपती शिवाजी महाराजांची जयंती उत्साहात आणि धूमधडाक्यात साजरी..
क्राईम महाराष्ट्र लाईव्ह न्युज सहसंपादक शिवाजी दवणे 9730170965.
१९ फेब्रुवारी : छत्रपती शिवाजी महाराजांच्या जन्मदिनानिमित्त (शिवजयंती) राहुरी शहरात आज मोठ्या उत्साहात आणि भक्तिभावाने सोहळा साजरा करण्यात आला. शिवप्रेमी शिवजयंती उत्सव समितीच्या वतीने जुने सरकारी दवाखान्याच्या पटांगणात भव्य मंडप उभारून छत्रपती शिवाजी महाराजांची मूर्ती प्रतिष्ठापित करण्यात आली होती. मूर्तीला पुष्पहार, फुलांची आरास आणि विविध सजावटीने सजवले होते.
सकाळी लहान-थोरांनी उत्साहाने पूजा-अर्चना केली आणि छत्रपतींची आरती सादर केली. या वेळी प्रमुख मान्यवरांच्या उपस्थितीत कार्यक्रम पार पडला. यामध्ये माजी राज्यमंत्री प्राजक्त दादा तनपुरे, पोलीस निरीक्षक संजय ठेंगे, साहेब संभाजी राजे तनपुरे, शिवसेनेचे शेतकरी प्रदेश उपाध्यक्ष रवींद्र मोरे, शिवशाहीर डॉ. विजय तनपुरे, राजु भाऊ शेटे, माजी मंत्री प्राजक्त तनपुरे, संभाजीराजे तनपुरे, अॅड. राहुल शेटे आदी उपस्थित होते.
पूजन आणि आरतीनंतर शहरातून भव्य टू-व्हीलर मोटरसायकल रॅली काढण्यात आली. या रॅलीत चारचाकी वाहने, मोटरसायकल्ससह अनेक छोट्या शाळकरी मुलांनी आपल्या छोट्या सायकली घेऊन सहभाग घेतला आणि रॅलीला खास शोभा आणली. रॅलीतून “जय शिवराय”, “जय भवानी” चा जयघोष करत शहरातील प्रमुख रस्त्यांवरून मिरवणूक काढली गेली. राहुरीचे प्रसिद्ध शिवशाहीर विजय तनपुरे यांनी रॅलीतील सहभागींना मार्गदर्शन केले.
कार्यक्रमाला शहरातील अनेक मान्यवरांनी भेट देऊन छत्रपतींच्या मूर्तीचे पूजन केले. यामध्ये मच्छिंद्र गुंड, राजेंद्र खोजे, रोहित नालकर, अविनाश क्षीरसागर आदींचा समावेश होता. तसेच नामदेव वांढेकर मेजर , विक्रम गाडे, कांता तनपुरे, गंगाधर सांगळे, मधुकर घाडगे, विनायक बाठे, राजेंद्र लबडे, विकास काशीद, रवींद्र तनपुरे, आबासाहेब तनपुरे, गणेश नेहे, कुलदीप नवले, प्रकाश नीवडुंगे, योगेश घाडगे, नंदकुमार ताराचंद तनपुरे, मयूर गाडेकर, जयराम भारमल,अशोक काका त नपुरे भाऊसाहेब बिडवे प्रीतम देशमुख महेश गुंजाळ प्रवीण शिरसाठ विशाल शेजुळ सोनू साठे भैय्या कलापुरे कोरडे साईराज तनपुरे विवेक सगळगीळे योगेश लबडे अल्ताफ शेख यांनी कार्यक्रम यशस्वी करण्यासाठी विशेष परिश्रम घेतले.
संपूर्ण परिसर शिवाजी महाराजांच्या भक्तिपूर्ण गीतांनी, जयघोषांनी आणि उत्साहाने न्हाऊन निघाला होता. शहरातील वेगवेगळ्या ठिकाणी स्वतंत्रपणे साजऱ्या होणाऱ्या शिवजयंतींच्या कार्यक्रमांना एकत्रित करून अधिक भव्य आणि दिव्य स्वरूप देण्याचा मानस कांता तनपुरे यांनी व्यक्त केला. सर्व समाजातील शिवभक्तांनी एकत्र येऊन भेदभाव विसरून एकजुटीने हा उत्सव साजरा केल्याने राहुरी शहरात आज खऱ्या अर्थाने शिवरायांचा जयघोष घुमला.
जय शिवराय! जय महाराष्ट्र! 🚩
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
