वंचित बहुजन आघाडीचे तालुका उपाध्यक्ष गणेश पवार यांची तहसीलदार कार्यालयात निवेदनाद्वारे मागणीराहुरी (तालुका प्रतिनिधी) –
राहुरी तालुक्यातील राहुरी फॅक्टरी येथील बीट अंमलदार बाबासाहेब भागा शेळके व प्रवीण अशोक बागुल यांनी आपल्या कर्तव्यात कसूर केल्यामुळे त्यांच्यावर तत्काळ निलंबनाची कारवाई करावी, अन्यथा येत्या आठ दिवसांत पोलीस महानिरीक्षक, नाशिक परिक्षेत्र यांच्या दालनासमोर आमरण उपोषण करण्यात येईल, असा इशारा वंचित बहुजन आघाडीचे राहुरी तालुका उपाध्यक्ष गणेश पवार यांनी दिला आहे.
तहसीलदार यांना देण्यात आलेल्या निवेदनात त्यांनी म्हटले आहे की, पोलिसांनी करायचं काम राहुरी फॅक्टरीतील स्थानिक महिलांनी आणि तरुणांनी करून दाखवलं असून, पोलिस कर्मचाऱ्यांचा नाकर्तेपणा यानिमित्ताने उघड झाला आहे. या बीटमध्ये अवैध दारू, मटका आणि जुगार यासारख्या गुन्हेगारी प्रकारांचा धुमाकूळ सुरु असून, संबंधित अंमलदारांचे या अवैध धंदेवाल्यांशी आर्थिक हितसंबंध असल्याचे आरोप त्यांनी केले.
निवेदनात स्पष्ट करण्यात आले आहे की, अलीकडेच दोन पोलिस कर्मचारी राहुरी फॅक्टरी येथे छापा टाकण्यासाठी गेले असता, खबऱ्यांमार्फत अवैध दारू विक्रेत्यांना माहिती देऊन सावध करण्यात आले. छाप्याच्या नावाखाली पोलिसांनी केवळ नाटक केले आणि महिलांची फसवणूक केली. संतप्त महिलांनी नंतर स्वतःच अवैध दारू विक्रेत्यांवर छापा टाकून पोलिसांची नाकामी उघड केली.
या कारवाईचे छायाचित्रण करत असताना पत्रकार जालिंदर आल्हाट यांना अंमलदार बाबासाहेब शेळके यांनी धमकावून मोबाईल हिसकावून घेतल्याची तक्रारही निवेदनात नमूद करण्यात आली आहे.
यासह, संबंधित अंमलदारांचे व अवैध धंदेवाल्यांचे कॉल डिटेल्स तपासून त्यांच्यावर कठोर शिस्तभंग कारवाई करावी, अशी मागणी करण्यात आली. तसेच प्रवीण बागुल यांचे पूर्व इतिहास व गुन्हेगारी व्यक्तींशी संबंध असल्यामुळे निवेदनकर्त्याच्या जीवाला धोका असल्याची भीतीही व्यक्त करण्यात आली.
या निवेदनाची गांभीर्याने दखल घेऊन दोन्ही पोलिस कर्मचाऱ्यांवर कायदेशीर कारवाई करावी, अशी मागणी करत न केल्यास तीव्र आंदोलनाचा इशाराही गणेश पवार यांनी दिला.
📞 संपर्क:
सहसंपादक – शिवाजी दवणे – 9730170965
📰 क्राईम महाराष्ट्र न्यूज
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
