तळेगाव दाभाडे डोळसनाथ महाराज उत्सव समितीचे अध्यक्षपदी अक्षय पाटोळे
पुणे (शशिकांत पाटोळे) | दि; २५ फेब्रुवारी २०२६ : चैत्र गुढीपाडव्याला साजरा होणाऱ्या तळेगाव दाभाडेचे ग्रामदैवत श्री डोळसनाथ महाराज मंदिर देवस्थानाच्या २०२६-२७ वर्षाच्या उत्सवासाठी उत्सव समितीची बैठक पार पडली. यामध्ये अध्यक्षपदी अक्षय अशोक पाटोळे तर कार्याध्यक्षपदी मिथुन रामदास भेगडे यांची सर्वानुमते निवड करण्यात आली.
मावळ तालुक्यातील तळेगाव दाभाडे नगरीचा उत्सव दरवर्षी उत्साहात साजरा केला जातो. गावातील ज्येष्ठ मंडळी व कार्यकर्त्यांच्या उपस्थितीत झालेल्या बैठकीत नवीन पदाधिकाऱ्यांची एकमताने घोषणा करण्यात आली.
नवीन कार्यकारिणीनुसार उपाध्यक्षपदी योगेश भेगडे, रोहन चंदनशिवे, स्वप्निल भेगडे, चरण भेगडे, खजिनदार गौरव परदेशी, सहखजिनदार विकास दिवे, निरज केदारी, गणेश शेलार, सरचिटणीसपदी ओम भेगडे, चिटणीसपदी सनी आंद्रे, दीपक जाधव, ओंकार भेगडे, रोहित जाधव, शिवम भेगडे तर प्रसिद्धीप्रमुखपदी संदेश जाधव यांची निवड करण्यात आली आहे. तसेच कुमार डोणकरी, आकाश जगताप आणि पियुष जाधव हे सहकार्य करणार आहेत.
उत्सव अधिक शिस्तबद्ध पद्धतीने पार पाडण्यासाठी सर्वांनी एकत्रितपणे कार्य करावे, असे आवाहन नवनिर्वाचित उत्सव कमिटी अध्यक्ष अक्षय पाटोळे यांच्यावतीने करण्यात आले.
तळेगाव दाभाडे येथील ग्रामदैवत श्री डोळसनाथ महाराजांचा उत्सव दरवर्षी गुढीपाडव्याच्या मुहूर्तावर मोठ्या थाटामाटात साजरा केला जातो.
या उत्सवाचे वैशिष्ट्य म्हणजे हा ग्राम उत्सव सलग पाच दिवस विविध धार्मिक कार्यक्रम, बैलगाडा शर्यत, जंगी कुस्त्यांचा भव्य आखाड्यासह ऑर्केस्ट्रा, मंदिरावर विशेष विद्युत रोषणाई त्याचबरोबर अनेक मनोरंजनाचे कार्यक्रमसह आयोजित केले जातात.
उत्सवास आलेल्या सर्व भाविकांना श्री डोळसनाथ महाराजांचे सुलभ दर्शन व्हावे
यासाठी उत्सव समितीच्या वतीने विशेष व्यवस्था राबविली जाते.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
