पुणे ग्रामीण पोलिसांची मोठी कारवाई: ७ गंभीर गुन्हे दाखल असलेल्या सराईत गुन्हेगारावर एम.पी.डी.ए. कायद्यान्वये अटकेची धडक कारवाई.
पुणे ग्रामीण / विशेष प्रतिनिधी:
पुणे ग्रामीण जिल्ह्यामध्ये कायदा व सुव्यवस्था अबाधित ठेवण्यासाठी आणि सराईत गुन्हेगारांची उपद्रवमूल्ये मोडीst काढण्यासाठी पुणे ग्रामीण पोलीस अधीक्षक मा. श्री. संदीप सिंह गिल्ल यांनी अत्यंत कठोर पावले उचलली आहेत. जिल्ह्यामध्ये मागील ५ वर्षांच्या कालावधीत गंभीर गुन्ह्यांमध्ये जामिनावर मुक्त झालेल्या आरोपींचे रेकॉर्ड अद्ययावत करण्याचे स्पष्ट आदेश त्यांनी सर्व पोलीस ठाण्यांच्या प्रभारी अधिकाऱ्यांना दिले होते. त्यानुसार दरोडा, जबरी चोरी, हायवे रोडवरील लुटमार, खंडणी, खुनाचा प्रयत्न, अवैध अग्निशस्त्र बाळगणे, महिला व अल्पवयीन मुलींवरील अत्याचार अशा गुन्ह्यांत सक्रिय असणाऱ्या धोकादायक व्यक्तींवर एम.पी.डी.ए. (MPDA) कायद्यांतर्गत कारवाई करण्याचे आदेश दिले होते.
आरोपी रितेश भिमराव गायकवाड याच्यावर दाखल ७ गंभीर गुन्हे
या विशेष मोहिमेदरम्यान, दौंड पोलीस स्टेशन हद्दीत वास्तव्यास असलेला सराईत व धोकादायक इसम रितेश भिमराव गायकवाड (वय २७ वर्षे, रा. भीमनगर, दौड, ता. दौड, जि. पुणे) याचे रेकॉर्ड तपासण्यात आले. त्याच्याविरुद्ध यापूर्वी खालीलप्रमाणे एकूण ७ गंभीर गुन्हे दाखल असल्याचे निष्पन्न झाले:
संगनमत करून घातक हत्यारांनी किंवा साधनांनी इच्छापूर्वक दुखापत पोहोचवणे.
अल्पवयीन मुलीचा विनयभंग व विवस्त्र करण्याच्या उद्देशाने हल्ला किंवा फौजदारीपात्र बलप्रयोग करणे.
घातक हत्यारांनी इच्छापूर्वक दुखापत पोहोचवून शिवीगाळ व दमदाटी करणे.
अल्पवयीन मुलीचा विनयभंग, फौजदारीपात्र बलप्रयोग व गैरपणे अटकाव करणे.
दरोडा घालणे व जबर दुखापत पोहोचवणे.
स्त्रीचा विनयभंग व विवस्त्र करण्याच्या उद्देशाने हल्ला करून चोरून पाठलाग करणे.
मालमत्ता जबरीने घेण्यासाठी किंवा अवैध कृती करण्यास भाग पाडण्यासाठी दुखापत पोहोचवणे.
(जुना भारतीय दंड विधान १८६० चे प्रकरण १६ व नवीन भारतीय न्यायसंहिता २०२३ चे प्रकरण ०६ व १७ मधील तरतुदींनुसार हे गुन्हे दाखल आहेत.)
एम.पी.डी.ए. कायद्यांतर्गत स्थानबद्धतेचा प्रस्ताव व जिल्हाधिकाऱ्यांचे आदेश
आरोपी सराईत व धोकादायक असल्याने त्याचेविरुद्ध एम.पी.डी.ए. कायद्यांतर्गत प्रतिबंधात्मक कारवाई करण्यासाठी दौंड पोलीस स्टेशनचे पोलीस निरीक्षक श्री. हेमंत शेडगे यांनी पोलीस अधीक्षक मा. श्री. संदीप सिंह गिल्ल यांच्याकडे प्रस्ताव सादर केला. पोलीस अधीक्षकांनी या प्रस्तावाचे अवलोकन करून तो पुढील कार्यवाहीसाठी पुणे जिल्ह्याचे जिल्हाधिकारी तथा जिल्हादंडाधिकारी श्री. जितेंद्र डुडी यांच्याकडे पाठवला.
जिल्हाधिकारी तथा जिल्हादंडाधिकारी श्री. जितेंद्र डुडी यांनी ‘महाराष्ट्र झोपडपट्टीगुंड, हातभट्टीवाले, औषधीद्रव्यविषयक गुन्हेगार, धोकादायक व्यक्ती, व्हिडिओ पायरेटस, वाळू तस्कर, काळाबाजार करणारे, बेकायदेशीर जुगार/लॉटरी चालवणारे आणि मानवी अपव्यापार करणाऱ्या व्यक्तींच्या विघातक कृत्यांना आळा घालण्याबाबत मुख्य अधिनियम १९८१ (सुधारणा अधिनियम सन २०२५ चा महाराष्ट्र अधिनियम क्रमांक २९)’ अन्वये आदेश क्रमांक पगम/एम.पी.डी.ए./एस.आर./१५/०१/२०२६ दिनांक ३१/०७/२०२६ नुसार इसम रितेश भिमराव गायकवाड यास स्थानबद्ध करण्याचा आदेश पारित केला.
नागपूर मध्यवर्ती कारागृहात रवानगी
जिल्हाधिकाऱ्यांच्या या आदेशानुसार, दौंड पोलीस स्टेशनचे पोलीस निरीक्षक श्री. हेमंत शेडगे यांनी विविध पथके तयार करून शोध घेतला आणि दिनांक ०२/०८/२०२६ रोजी आरोपी रितेश भिमराव गायकवाड यास ताब्यात घेऊन त्यास मध्यवर्ती कारागृह, नागपूर येथे दाखल करून स्थानबद्धतेची कायदेशीर कारवाई पूर्ण केली.
यशस्वी कामगिरीत सहभागी अधिकारी व अंमलदार
ही धडक कामगिरी खालील वरिष्ठ अधिकाऱ्यांच्या मार्गदर्शनाखाली पार पडली:
मार्गदर्शक: मा. श्री. संदीप सिंह गिल्ल (पोलीस अधीक्षक, पुणे ग्रामीण), मा. गणेश बिरादार (अपर पोलीस अधीक्षक, बारामती विभाग), मा. बापुराव दडस (उपविभागीय पोलीस अधिकारी, दौंड उपविभाग).
प्रमुख पथक: श्री. प्रमोद क्षीरसागर (पोलीस निरीक्षक, स्थानिक गुन्हे शाखा), श्री. हेमंत शेडगे (पोलीस निरीक्षक, दौंड पोलीस स्टेशन), श्री. विनायक सपाटे (सहायक पोलीस निरीक्षक), श्री. अब्दुल ब्रिदी (पोलीस उपनिरीक्षक), श्री. सागर चव्हाण (श्रेणी पोलीस उपनिरीक्षक).
सहाय्यक पोलीस उपनिरीक्षक व अंमलदार: सहा. पोलीस उपनिरीक्षक महेश बनकर, रामदास बाबर, पो.कॉ. वैभव सावंत (स्थानिक गुन्हे शाखा), सहा. पो. फौजदार विजय पवार, पो.हवा. नितीन चव्हाण, गजानन शिंदे, राहुल घाडगे, धनंजय गाढवे, निखिल जाधव, अप्पा गिरमे, तसेच पोलीस अंमलदार निखिल पवार, सोमनाथ चौंडे, अण्णा हजारे, सचिन साप्ते (दौंड पोलीस स्टेशन).
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
