पुणे मनपा कर्मचारी उपाशी, भाजप नगरसेवक तुपाशी ….
भाजप कार्यालयास आणि व्यायामशाळेस भाडे सवलत पण पुणे मनपा कर्मचाऱ्यांसाठी आयुक्तांना हे का नाही उमजत…
पुणे:- प्रभाग क्रमांक २९ मधे भाजपचे माजी नगरसेवक, शहराध्यक्ष भाजप मा धीरज घाटे यांच्या ताब्यात असलेल्या पुणे मनपा च्या मालकीच्या अंदाजे ५०० प्रति चौरस फूट कार्यालयास आणि ३००० प्रति चौरस फूट व्यायामशाळेस आयुक्तांनी दिलेल्या मासिक भाड्यातील ७० टक्के सुट याच न्यायाप्रमाणे महानगरपालिकेने सेवकांच्या घरभाड्यात कपात करण्या संदर्भात काँग्रेस, शिवसेना उद्धव बाळासाहेब ठाकरे पक्षाच्या वतीने आज पुणे महानगरपालिका आयुक्त श्री राजेंद्र भोसले यांच्याकडे निवेदन देण्यात आले.
सदर निवेदनात पुणे महानगरपालिके च्या सेवेत काम करणारे चतुर्थ श्रेणीमधील स्वच्छता कर्मचारी, विविध विभागातील कर्मचारी यांच्यासाठी पुणे महानगर पालिकेच्या वतीने राहण्यासाठी टाऊन प्लानिंग नुसार सदाशिव पेठ येथे सानेगुरुजी नगर,आंबील ओढा कॉलनी बांधण्यात आली, पण तेथे राहणाऱ्या कर्मचाऱ्यांच्या पगारातून (HRA) एच आर ए च्या माध्यमातून १२ ते १५ हजार रुपये घरभाडे कापले जाते, पण त्यामानाने त्यांना पुणे मनपा कडून अपुऱ्या सुख सुविधा दिल्या जातात, आजही कर्मचाऱ्यांच्या मुलांना खेळण्यासाठी मैदाने नाहीत, अस्वच्छतेने कॉलनी भरून गेली आहे, दुसऱ्या तिसऱ्या मजल्यावर पाणी पोहचत नाही, सार्वजनिक शौचालय ची अवस्था वाईट झाली आहे, सुरक्षा नाही, अशी व्यवस्था असताना अपूर्या सुविधा असताना ही पुणे मनपा कर्मचारी तिथे राहत आहेत .
पुणे महानगर पालिकेच्या वतीने सानेगुरुजी नगर आंबील ओढा सदाशिव पेठ पुणे येथील बांधण्यात आलेली व्यायामशाळा आणि भाजप नगरसेवक यांच्या कार्यालयाची मालमत्ता विभागाने काढलेली किंमत ३ कोटीच्या दरम्यान आहे, पुणे मनपा क्रीडा विभागाने कै भानुदास गेजगे व्यायामशाळेचे तसेच स्थानिक भाजप नगरसेवकाच्या कार्यालयाचे भाडे पुणे मनपाच्या नियमानुसार ५२०००/- ₹ होत असताना फक्त मनपा कर्मचाऱ्यांच्या सेवकांच्या मुलांसाठी ही व्यायामशाळा आहे असे दाखवून पुणे मनपा आयुक्तांनी ते भाडे २०,००० केले आहे.
त्यामुळे तोच नियम सेवकांना लागू करावा आणि घरभाड्यात ७०% कपात करावी. तसेच आज गेली ५० वर्षाहून अधिक काळ इथे अनेक सेवकांची कुटुंब वास्तव्यास आहेत, २०११ च्या आधीच्या वास्तव्याचा पुरावा दिल्यास झोपडपट्टीत राहणाऱ्या लोकांना त्यांचे हक्काचे घर शासनाकडून दिले जाते तर मग ह्या सेवकांना त्यांची राहती घरे मालकी हक्काची करून द्यायची तजबीज व्हावी. त्यांना त्यांचे राहते घर मालकी हक्काचे करण्यास उपाययोजना करावी आणि त्यांचे जागेवरच पुनर्वसन करावे अशी मागणी निवेदनाद्वारे करण्यात आली.
यावेळी बोलताना युवक काँग्रेस चे सागर धाडवे म्हणाले की पुणे आयुक्त यांनी लाडका नगरसेवक योजना राबविण्यापेक्षा लाडके पुणे महापालिका स्वच्छता सेवक योजना राबवून त्यांना न्याय द्यावा, भारतीय संविधानातील कलम १४ नुसार कायद्यापुढे सर्व समान या महत्वपूर्ण सिद्धांतानुसार योग्य न्याय द्यावा, वेगवेगळा न्याय देऊन सामाजिक दरी निर्माण करू नये.
शिवसेना प्रसिद्धी प्रमुख अनंत घरत म्हणाले की भाडे कमी करण्याचा आयुक्तांचा नियम जो भाजप नगरसेवकाला लागू केला आहे तो त्याच टी पी स्किम मधल्या सानेगुरुजी नगर मधील सेवकांना लागू करावा आणि सर्वांना समान न्याय मिळावा, तीन कोटीची मालमत्ता खिरापत वाटल्यासारखी आयुक्तांनी वाटप केले आहे व्यायामशाळेच्या भाड्यातच नगरसेवकाचे कार्यालय बसविण्याचा प्रकार पुणे मनपा क्रीडा विभागाने आणि विश्रामबाग क्षेत्रीय कार्यालयाने केला आहे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
