पुणे: लक्ष्मीनगर पोलीस स्टेशनच्या हद्दीतून बुलेट आणि केटीएमसारख्या महागड्या मोटारसायकल चोरणाऱ्या दोन आरोपींना पुणे पोलिसांनी बेड्या ठोकल्या आहेत. या कारवाईत पोलिसांनी ५ लाख रुपये किमतीच्या एकूण ८ मोटारसायकल हस्तगत केल्या असून, या टोळीच्या अटकेमुळे वाहन चोरीचे ८ गंभीर गुन्हे उघडकीस आले आहेत.
नेमकी घटना काय?
लक्ष्मीनगर पोलीस स्टेशनच्या हद्दीत मोटारसायकल चोरीचे प्रमाण वाढल्याने वरिष्ठ पोलीस निरीक्षक श्री. रवींद्र कदम यांनी तपास पथकाला सतर्क राहून पेट्रोलिंग करण्याचे आणि संशयितांवर लक्ष ठेवण्याचे आदेश दिले होते. दरम्यान, १२ जुलै २०२६ रोजी लक्ष्मीनगर पोलीस स्टेशनमध्ये मोटारसायकल चोरीचा गुन्हा (गु.र.क्र. १०५/२०२६, कलम ३०३ (२), ३४ भारतीय न्याय संहिता) दाखल झाला होता.
सीसीटीव्ही फुटेज आणि तांत्रिक विश्लेषणातून शोध
गुन्हा उघडकीस आणण्यासाठी वरिष्ठ पोलीस निरीक्षक रवींद्र कदम यांच्या मार्गदर्शनाखाली तपास पथकातील पोलीस अंमलदार सुरज ओंबासे आणि अमोल वायाळ यांनी अत्यंत बारकाईने तपास केला. त्यांनी घटनास्थळासह पुणे-अहिल्यानगर महामार्गावरील ५० किलोमीटर अंतरापर्यंतच्या परिसरातील १५० पेक्षा जास्त सीसीटीव्ही कॅमेऱ्यांचे फुटेज तपासले. या माहितीचे तांत्रिक विश्लेषण तपास पथकाचे प्रभारी सपोनि निखिल पवार यांनी केले.
अशी झाली कारवाई
मिळालेल्या तांत्रिक माहितीच्या आधारे पोलिसांनी सापळा रचून तारकेश्वर टेकडी, ठाकरसी पाण्याच्या टाकीजवळ, लक्ष्मीनगर, येरवडा येथे दोन संशयितांना ताब्यात घेतले. चौकशीअंती त्यांची नावे सागर संजय शेळके (वय १९, रा. नित्यानंद बिल्डींग, कारेगाव, ता. शिरुर; मूळ रा. टाकळी खंडेश्वरी, ता. कर्जत, जि. अहिल्यानगर) आणि करण आदिराज धुमाळ (वय २३, रा. नित्यानंद बिल्डींग, कारेगाव, ता. शिरुर; मूळ रा. ममदापूर, ता. परळी, जि. बीड) अशी असल्याचे निष्पन्न झाले.
आरोपींकडे केलेल्या कसून चौकशीत त्यांनी बुलेट, केटीएम आणि स्प्लेंडर प्लस अशा एकूण ८ मोटारसायकल चोरल्याची कबुली दिली. पोलिसांनी ५,००,००० रुपये किमतीचा हा मुद्देमाल जप्त केला आहे. या कारवाईमुळे लक्ष्मीनगर पोलीस ठाण्यातील ३ आणि पुणे तसेच पिंपरी-चिंचवड पोलीस आयुक्तालयातील ५ असे एकूण ८ गुन्हे उघड झाले आहेत.
अधिकारी व कर्मचाऱ्यांची कामगिरी
ही यशस्वी कारवाई अप्पर पोलीस आयुक्त (पूर्व प्रादेशिक विभाग) श्री. मनोज पाटील, पोलीस उपायुक्त (परि. ४) श्री. चिलुमुला रजनिकांत आणि सहायक पोलीस आयुक्त (येरवडा विभाग) श्री. सुनील जैतापूरकर यांच्या मार्गदर्शनाखाली करण्यात आली. यामध्ये लक्ष्मीनगर पोलीस स्टेशनचे वरिष्ठ पोलीस निरीक्षक रवींद्र कदम, पोलीस निरीक्षक (गुन्हे) उमेश गित्ते, सपोनि निखिल पवार, सपोनि दत्तात्रय लिगाडे तसेच पोलीस अंमलदार यशवंत खंदारे, श्रीनाथ कांबळे, अतुल जाधव, राहुल परदेशी, भीमराव कांबळे, सुरज ओंबासे, कादिर शेख, अमोल गायकवाड, दत्तात्रय शिंदे, नितीन धायगुडे, किरण भागीत, अमोल वायाळ, अक्षय शिंदे आणि सचिन कुचेकर यांचा समावेश होता.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
