पुणे रेसकोर्स येथे रॉयल वेस्टन इंडिया क्लब लिमिटेड तर्फे 77 वा प्रजासत्ताक दिन उत्साहात साजरा
पुणे | प्रतिनिधी
दि. 26 जानेवारी 2026 रोजी रॉयल वेस्टन इंडिया क्लब लिमिटेड, पुणे रेसकोर्स येथे सकाळी 8 वाजता 77 व्या प्रजासत्ताक दिनानिमित्त भव्य आणि शिस्तबद्ध कार्यक्रमाचे आयोजन करण्यात आले होते.
या कार्यक्रमाचे नेतृत्व श्री दिलीप कदम साहेब (चीफ व्हिजिलन्स ऑफिसर) व श्री गुंगा जगताप साहेब (व्हिजिलन्स ऑफिसर) यांनी केले. कार्यक्रमात ध्वजारोहणानंतर राष्ट्रगीत व देशभक्तीपर वातावरणात संपूर्ण सोहळा पार पडला.
प्रजासत्ताक दिनाच्या औचित्याने श्री सतीश अय्यर साहेब (अॅडिशनल सेक्रेटरी) यांच्या हस्ते क्लबमधील सर्व सुरक्षा रक्षक व स्टाफ कर्मचारी यांचा पुष्पगुच्छ व प्रशस्तीपत्र देऊन सन्मान करण्यात आला. आपले कर्तव्य निष्ठेने पार पाडणाऱ्या कर्मचाऱ्यांचा गौरव केल्यामुळे कार्यक्रमाला विशेष महत्त्व प्राप्त झाले.
या कार्यक्रमास श्री मंगेश वराडे, श्री कनिया मिणेकर, श्री केशव कसबे तसेच इतर मान्यवर उपस्थित होते. यासोबतच पंजेतन पवित्र संघटना, महाराष्ट्र राज्याचे अध्यक्ष मा. श्री हनिफ भाई शेख यांनीही कार्यक्रमास उपस्थिती लावली.
यावेळी पंजेतन पवित्र संघटनेच्या वतीने श्री दिलीप कदम साहेब व श्री गुंगा जगताप साहेब यांना त्यांच्या उल्लेखनीय कार्याबद्दल प्रजासत्ताक दिन सन्मान पत्र देऊन गौरविण्यात आले.
हा संपूर्ण कार्यक्रम अतिशय सुंदर, शिस्तबद्ध व प्रेरणादायी वातावरणात पार पडला. कार्यक्रमानंतर उपस्थित मान्यवर व कर्मचाऱ्यांसाठी चहा व नाश्त्याची व्यवस्था करण्यात आली होती.
एकूणच हा प्रजासत्ताक दिनाचा सोहळा अत्यंत यशस्वी व संस्मरणीय ठरला, अशी प्रतिक्रिया उपस्थितांनी व्यक्त केली.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
