मौजे चांदे बु., तालुका कर्जत येथे काळवीट शिकार प्रकरण उघड; वनविभागाची व पोलिस विभागाची तातडीची संयुक्त कारवाई
क्राईम महाराष्ट्र लाईव्ह न्यूज सहसंपादक शिवाजी दवणे 9730170965
मौजे चांदे बु., तुकाई मंदिर परिसरातील अभयारण्याच्या संरक्षित क्षेत्रात दिनांक 03 मार्च 2026 रोजी पहाटे सुमारे 4.30 वाजता काळवीट (Blackbuck) या अनुसूची-१ मधील संरक्षित वन्यप्राण्याची बेकायदेशीर शिकार झाल्याची गंभीर घटना उघडकीस आली आहे. ही घटना जैवविविधतेच्या दृष्टीने अत्यंत संवेदनशील व संरक्षित क्षेत्रात घडलेली असल्याने वन व पोलिस विभागाने तात्काळ कारवाई केली आहे.गोपनीय सूत्रांकडून प्राप्त झालेल्या माहितीनुसार व स्थानिक स्तरावर संशयास्पद हालचाली आढळून आल्याने वन विभाग व पोलीस विभाग यांच्यात तातडीने समन्वय साधण्यात आला. सदर कारवाई श्री. विवेक होशिंग, वनसंरक्षक, वन्यजीव विभाग, पुणे यांच्या मार्गदर्शनाखाली राबविण्यात आली.
श्री.संकेत उगले, वनपरिक्षेत्र अधिकारी मिरजगाव यांच्यासह सर्व बीट वनरक्षक व वन कर्मचारी यांचे संयुक्त पथक घटनास्थळी दाखल झाले. त्यामध्ये वनरक्षक सागर वाकचौरे, अजिनाथ नन्नवरे, हरिभाऊ बारगजे, दिनकर लिलके तसेच संबंधित संरक्षण मजूर यांनी सहभाग घेतला. तसेच करमाळा वनपरिक्षेत्रातील श्रीमती रोहिणी साळुंखे, वनपरिक्षेत्र अधिकारी करमाळा, वनरक्षक माधुरी जाधव यांनी मोलाचे सहकार्य केले. घटनास्थळी पंचासमक्ष पाहणी केली असता खालील बाबी निदर्शनास आल्या, एक मादी काळवीट – मृत अवस्थेत (अंदाजे वय 2 वर्षे), एक बछडे – जखमी अवस्थेत (अंदाजे वय 3 महिने, पायास दुखापत), 1 दुचाकी वाहन, 2 वाघूर/ जाळी, 1 मोबाईल व इतर साहित्य.
सदर प्रकरणी मृत व जखमी काळवीट वन विभागाच्या ताब्यात घेण्यात आले असून स्पॉट पंचनामा व जप्ती पंचनामा करण्यात आलेला आहे. जखमी बछड्यास तात्काळ पशुवैद्यकीय अधिकाऱ्यांच्या स्वाधीन करून उपचार सुरू करण्यात आले आहेत. मृत मादी काळवीटाचे शवविच्छेदन करून अहवाल प्राप्त करण्यात येत आहे. या प्रकरणी वन्यजीव (संरक्षण) अधिनियम, 1972 मधील कलम कलम 2,9, 27(1),39(1),44(1)a, 50(5),51(1) अन्वये तसेच लागू इतर तरतुदींनुसार गुन्हा नोंद करण्यात आलेला आहे. काळवीट हा अनुसूची-१ मधील संरक्षित वन्यप्राणी असून कलम 51(1) अन्वये दोषी आढळल्यास किमान 3 वर्षे ते कमाल 7 वर्षे कारावास व दंडाची तरतूद आहे.
सदर गुन्ह्यातील आरोपींचा शोध सुरू असून पुढील तपास वन विभागामार्फत करण्यात येत आहे. पोलीस विभागाशी समन्वय ठेवून तपास प्रक्रिया वेगाने राबविण्यात येत आहे. वन्यजीव संरक्षणाच्या दृष्टीने स्थानिक नागरिकांचे सहकार्य अत्यंत महत्त्वाचे ठरत आहे. संशयास्पद हालचालींची माहिती वेळेवर प्राप्त झाल्यामुळे तातडीने कारवाई करणे शक्य झाले. वन विभाग सर्वसामान्य नागरिकांकडून मिळणाऱ्या गोपनीय माहितीवर तत्परतेने कार्यवाही करण्यास नेहमीच तयार आहे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
