येवलेवाडी परिसरात बेकायदेशीर गौणखनिज उत्खनन – नागरिकांच्या सुरक्षेला गंभीर धोका
पुणे :
येवलेवाडी (हवेली तालुका, पुणे) परिसरात डोंगरकपारीवर गौणखनिज (गोटा/दगड/मुरुम) चे मोठ्या प्रमाणावर बेकायदेशीर उत्खनन सुरू असल्याचे समोर आले आहे.
दिनांक 05 सप्टेंबर 2025 रोजी घेतलेल्या छायाचित्रांमधून दिसते की, JCB/पोकलँड मशीनद्वारे डोंगर फोडून दगड व मुरुम काढले जात आहेत. यामुळे संपूर्ण परिसरात गंभीर पर्यावरणीय व भू-रचना धोक्यात आली आहे.
प्रमाणावर बेकायदेशीर गौणखनिज उत्खनन सुरू आहे.
JCB आणि पोकलँड मशिनने डोंगर फोडून दगड व मुरुम काढले जात आहेत. या ठिकाणी परवानगी नसताना सुरू असलेले उत्खनन नागरिकांच्या सुरक्षेला गंभीर धोका निर्माण करत आहे.
डोंगराच्या पायथ्याशी घरे असून, कोणत्याही क्षणी भूस्खलन होऊन मोठा अपघात घडू शकतो. नागरिकांनी वारंवार तक्रारी केल्या तरीही प्रशासन मात्र डोळेझाक करत असल्याचा आरोप आहे.
स्थानिक नागरिकांची ठाम मागणी आहे – हे उत्खनन तातडीने थांबवून जबाबदारांवर कठोर कारवाई करण्यात यावी.
पाहा… प्रशासन काय भूमिका घेते!”
गंभीर मुद्दे
1. हे उत्खनन शासनाची परवानगी न घेता, नियमांचा भंग करून सुरू आहे.
2. या ठिकाणी कोणतेही सुरक्षा उपाय, बंधारे वा परवाना बोर्ड लावलेले नाहीत.
3. डोंगरकपारीखालीच निवासी घरे असून, सततच्या उत्खननामुळे भूस्खलन व अपघाताचा गंभीर धोका नागरिकांना निर्माण झाला आहे.
4. महाराष्ट्र गौणखनिज उत्खनन नियमावली, पर्यावरण संरक्षण कायदा तसेच आपत्ती व्यवस्थापन अधिनियमाचा सरळसरळ भंग होत आहे.
5. प्रशासन व पोलीस यंत्रणा याकडे जाणूनबुजून दुर्लक्ष करत असल्याचा नागरिकांचा आरोप आहे.
नागरिकांची मागणी
तातडीने प्रशासनाने घटनास्थळी भेट देऊन बेकायदेशीर उत्खनन थांबवावे.
संबंधित JCB/पोकलँड मशीन जप्त करून, गुन्हे दाखल करावेत.
जबाबदारांवर फौजदारी कारवाई करून पर्यावरणीय नुकसानभरपाई वसूल करावी.
भविष्यात अशा प्रकारचे उत्खनन रोखण्यासाठी कडक नियंत्रण यंत्रणा उभारावी.
—
” नागरिक सतत तक्रारी करत आहोत. तरीही प्रशासनाचे डोळे झाक करून हे उत्खनन सुरू आहे. एखादा मोठा अपघात घडल्यावर प्रशासन जागे होणार का?” असा संतप्त सवाल स्थानिक रहिवाशांनी उपस्थित केला आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
