हिंजवडीत घरगुती वादातून पत्नीवर चाकू हल्ला; पती अटकेत
पुणे (शशिकांत पाटोळे) | दि; २३ फेब्रुवारी २०२६ : हिंजवडी परिसरात घरगुती वादातून पत्नीवर चाकूने हल्ला केल्याची धक्कादायक घटना घडली आहे. या प्रकरणी महेंद्र सोपान कांबळे (वय ३५, व्यवसाय सिक्युरिटी गार्ड, रा. किरण येवडे यांची रूम, येवडेवस्ती, लक्ष्मी चौक, हिंजवडी, पुणे) यास पोलिसांनी अटक केली आहे.
हिंजवडी पोलीस ठाण्यात गुन्हा क्रमांक १०६/२०२६ नुसार भारतीय न्याय संहिता २०२३ चे कलम १०९, ११४(२), ३५२ अंतर्गत गुन्हा दाखल करण्यात आला आहे.
पोलिसांनी दिलेल्या माहितीनुसार, दि. २१ फेब्रुवारी २०२६ रोजी सकाळी ११.३० वाजण्याच्या सुमारास किरण येवडे यांच्या रूममध्ये ही घटना घडली.
फिर्यादी महिला व त्यांचा पती महेंद्र कांबळे यांचा मुलगा प्रतीक याच्याशी शैक्षणिक बाबींवरून जोरदार वाद सुरू होता. हा वाद सोडवण्यासाठी फिर्यादी मध्ये पडली असता आरोपी पतीला राग अनावर झाला.
रागाच्या भरात आरोपीने घरातील लाकडी टेबलावर ठेवलेला भाजी कापण्याचा चाकू हातात घेऊन “तुला आता जिवंत सोडणार नाही” अशी धमकी देत फिर्यादी महिलेच्या पोटात चाकूने भोसकून गंभीर जखमी केले. जखमी महिलेवर तातडीने उपचार सुरू असून तिची प्रकृती स्थिर असल्याचे समजते.
घटनेची माहिती मिळताच हिंजवडी पोलिसांनी तत्काळ घटनास्थळी धाव घेऊन आरोपीस अटक केली. पुढील तपास पोलीस नाईक मोरे करत आहेत.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
