उमेदवार यादीत अचानक बदल; प्रभाग २७ नवी पेठ–पर्वतीतील निवडणूक प्रक्रियेच्या पारदर्शकतेवर गंभीर प्रश्न
राष्ट्रवादी काँग्रेस (शरदचंद्र पवार गट) उमेदवार क्षीरसागर अनिकेत वामन यांचा गंभीर आरोप
पुणे | प्रतिनिधी
कसबा विश्राम क्षेत्रातील प्रभाग क्रमांक २७ (नवी पेठ – पर्वती) येथे सुरू असलेल्या निवडणूक प्रक्रियेत गंभीर स्वरूपाचा अन्याय व अपारदर्शकता झाल्याचा आरोप राष्ट्रवादी काँग्रेस (शरदचंद्र पवार गट) चे उमेदवार क्षीरसागर अनिकेत वामन यांनी केला आहे. अधिकृत उमेदवार यादीत कोणताही खुलासा न देता अचानक बदल करण्यात आल्यामुळे निवडणूक प्रक्रियेच्या विश्वासार्हतेवर गंभीर प्रश्नचिन्ह निर्माण झाले आहे.
निवडणूक प्रशासनामार्फत दि. ३ जानेवारी रोजी पहिली अधिकृत उमेदवार यादी प्रसिद्ध करण्यात आली होती. या यादीत नियमांनुसार पात्र उमेदवारांचा अनुक्रम निश्चित करण्यात आला होता. या यादीच्या आधारे उमेदवारांनी प्रचारालाही सुरुवात केली होती. मात्र, धक्कादायक बाब म्हणजे त्याच दिवशी दुसरी यादी तयार करण्यात आली असून, ही बदललेली यादी दि. ७ जानेवारी रोजी प्रसिद्ध करण्यात आली. विशेष म्हणजे या दुसऱ्या यादीवर देखील दि. ३ जानेवारी हीच तारीख नमूद आहे.
कोणताही लेखी खुलासा, कारण किंवा नियमांचा आधार न देता पहिल्या अधिकृत यादीत बदल करण्यात आल्याने उमेदवारांमध्ये तसेच मतदारांमध्ये मोठा संभ्रम निर्माण झाला आहे. एकदा अधिकृतरीत्या उमेदवार यादी जाहीर झाल्यानंतर अशा प्रकारे बदल करणे हे लोकशाही मूल्यांना धरून नसून, यामुळे संपूर्ण निवडणूक प्रक्रियेच्या पारदर्शकतेवर गंभीर प्रश्न उपस्थित होत आहेत.
विशेष म्हणजे, पहिल्या यादीत क्षीरसागर अनिकेत वामन यांचा अनुक्रमांक दुसरा असताना, नव्याने प्रसिद्ध करण्यात आलेल्या यादीत त्यांचा क्रमांक थेट सहाव्या स्थानावर नेण्यात आला आहे. या बदलामुळे उमेदवारांचे नियोजन, प्रचार आणि मतदारांमध्ये पोहोचण्यावर प्रतिकूल परिणाम झाला आहे.
दरम्यान, हा बदल सत्ताधारी पक्षातील काही नेत्यांच्या दबावामुळे करण्यात आल्याचा संशयही व्यक्त करण्यात येत आहे. या संपूर्ण प्रकाराबाबत क्षीरसागर अनिकेत वामन यांनी निवडणूक प्रशासनाकडे लेखी खुलासा व चौकशीची मागणी केली आहे.
यासंदर्भात क्षीरसागर अनिकेत वामन म्हणाले,
“निवडणूक निर्णय अधिकाऱ्यांनी प्रथम प्रसिद्ध केलेल्या यादीतील अनुक्रमांकानुसार आम्ही प्रचाराला सुरुवात केली होती. मात्र काही दिवसांनी अचानक दुसरी यादी प्रसिद्ध झाल्यामुळे उमेदवारांमध्ये तसेच मतदारांमध्ये मोठा संभ्रम निर्माण झाला आहे. या प्रकारामुळे निवडणूक प्रक्रियेच्या निष्पक्षतेवर गंभीर परिणाम होत आहेत.”
अशा महत्त्वाच्या निवडणूक प्रक्रियेत प्रशासनाकडून झालेल्या या प्रकारच्या निर्णयांमुळे उमेदवारांना मोठ्या अडचणींना सामोरे जावे लागत असून, या प्रकरणाची तातडीने निष्पक्ष चौकशी करून सत्य समोर आणावे, अशी मागणी करण्यात येत आहे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
