शतकवीर बाळकडू’ व्यंगचित्र प्रदर्शनाचे पुण्यात भव्य आयोजन
बाळासाहेबांच्या शताब्दी निमित्त व्यंगचित्र रूपी विचारांची रणधुमाळी :
पुणे | प्रतिनिधी
वंदनीय शिवसेना प्रमुख, हिंदुहृदयसम्राट बाळासाहेब ठाकरे यांच्या १०० व्या जयंतीनिमित्त ‘शतकवीर बाळकडू’ या भव्य रोखठोक व्यंगचित्र प्रदर्शनाचे आयोजन शिवसेना उद्धव बाळासाहेब ठाकरे पक्षाचे पुणे शहर प्रसिद्धी प्रमुख अनंत रामचंद्र घरत यांच्या वतीने बालगंधर्व कलादालन पुणे येथे दिनांक २१ जानेवारी ते २४ जानेवारी २०२६ रोजी आयोजित करण्यात आले आहे.
सत्ताधाऱ्यांच्या अन्यायकारक धोरणांविरोधात आणि महाराष्ट्रद्रोही शक्तींविरोधात बाळासाहेबांच्या निर्भीड विचारांची धार दाखवणारे हे प्रदर्शन म्हणजेच बाळासाहेबांच्या विचारांचे बाळकडू असल्याचे आयोजकांनी सांगितले.
या प्रदर्शनात प्रसिद्ध आणि धारदार व्यंगचित्रकार अमित पापळ यांच्या सत्याला आरसा दाखवणाऱ्या, निर्भीड व प्रभावी व्यंगचित्रांचा समावेश आहे. बाळासाहेब ठाकरे यांचे विचार, त्यांची लढवय्यी भूमिका आणि अन्यायाविरोधातील संघर्षाची प्रेरणा या व्यंगचित्रांतून प्रभावीपणे अमित पापळ यांनी मांडली आली आहे.
सदर व्यंगचित्र प्रदर्शनाचे उद्घाटन
शिवसेना उपनेत्या सुषमा ताई अंधारे
ज्येष्ठ कायदेतज्ज्ञ असिम जी सरोदे यांच्या शुभहस्ते दिनांक २१ जानेवारी रोजी सकाळी ११.०० वाजता होणार आहे.
या प्रसंगी शिवसेनेचे पदाधिकारी, कार्यकर्ते, कला क्षेत्रातील मान्यवर तसेच बाळासाहेबांवर प्रेम करणारे असंख्य शिवसैनिक उपस्थित राहणार आहेत.
“बाळासाहेबांचे विचार जिवंत आहेत आणि तेच महाराष्ट्राचे भवितव्य घडवतील,” असा विश्वास आयोजक अनंत रामचंद्र घरत यांनी व्यक्त केला असून पुणेकरांनी, कलाप्रेमींनी, मोठ्या संख्येने उपस्थित राहावे, असे आवाहन त्यांनी केले आहे.
आयोजक :
अनंत रामचंद्र घरत
प्रसिद्धी प्रमुख – पुणे शहर
शिवसेना उद्धव बाळासाहेब ठाकरे
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
