महिला दिनानिमित्त पीएमपीएमएलकडून ८ पर्यटन बसमार्गांवर विशेष सेवा
पुणे, दि. ४ मार्च २०२६ : आंतरराष्ट्रीय महिला दिनानिमित्त पुणे महानगर परिवहन महामंडळ (PMPML) कडून नागरिकांसाठी विशेष पर्यटन बससेवा सुरू करण्यात येणार आहे. रविवार, दि. ८ मार्च २०२६ रोजी स्वारगेट मुख्य बसस्थानकावरून ८ प्रसिद्ध पर्यटन मार्गांवर वातानुकूलित ई-बसेस सोडण्यात येणार आहेत.
पुणे, पिंपरी-चिंचवड तसेच पीएमआरडीए कार्यक्षेत्रातील धार्मिक, ऐतिहासिक आणि निसर्गरम्य पर्यटन स्थळांचा आनंद नागरिकांना घेता यावा यासाठी पीएमपीएमएलकडून एकूण १३ पर्यटन बससेवा मार्ग सुरू करण्यात आले आहेत. या पर्यटन बससेवेला नागरिकांचा चांगला प्रतिसाद मिळत असून प्रवाशांच्या बुकिंगनुसार बसेस सोडल्या जातात.
महिला दिन आणि सुट्टीचा दिवस लक्षात घेऊन नागरिकांना पर्यटनाची संधी मिळावी यासाठी स्वारगेट बसस्थानकावरून ८ विशेष वातानुकूलित ई-बसेस चालविण्यात येणार आहेत. या बससेवेमध्ये प्रति व्यक्ती फक्त ५०० रुपये इतक्या परवडणाऱ्या दरात पुणे परिसरातील विविध धार्मिक, ऐतिहासिक आणि निसर्गरम्य स्थळांची सफर करता येणार आहे.
कुटुंबीय, मित्रपरिवार तसेच विशेषतः महिला प्रवाशांनी या पर्यटन बससेवेचा लाभ घ्यावा, असे आवाहन पीएमपीएमएल प्रशासनाने केले आहे.
बुकिंगसाठी केंद्रे
पर्यटन बससेवेचे बुकिंग पुढील पास केंद्रांवर करता येणार आहे –
डेक्कन जिमखाना
पुणे स्टेशन
स्वारगेट
मनपा भवन
कात्रज
हडपसर गाडीतळ
भोसरी बसस्थानक
निगडी बसस्थानक
पर्यटन बससेवेबाबत अधिक माहितीसाठी समन्वयक नितीन गुरव (मो. ९८५०५०१८६२) यांच्याशी संपर्क साधण्याचे आवाहन करण्यात आले आहे.
महिला दिनानिमित्त सुरू करण्यात आलेल्या या विशेष पर्यटन बससेवेचे महिला तसेच इतर पर्यटकांनी मोठ्या संख्येने बुकिंग करून लाभ घ्यावा, असे आवाहन पुणे महानगर परिवहन महामंडळाकडून करण्यात आले आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
