४ कोटींच्या कर्जाचे आमिष दाखवून ५.५० लाखांची फसवणूक; हिंजवडीत गुन्हा दाखल
पिंपरी-चिंचवड |
हिंजवडी परिसरात मोठ्या कर्जाची व्यवस्था करून देण्याचे आमिष दाखवत बांधकाम व्यावसायिकाची लाखोंची फसवणूक झाल्याचा धक्कादायक प्रकार उघडकीस आला आहे. याप्रकरणी हिंजवडी पोलीस ठाण्यात गुन्हा दाखल करण्यात आला असून आरोपी अद्याप फरार आहे.
पोलिसांकडून मिळालेल्या माहितीनुसार, दि. ५ जानेवारी २०२६ ते २७ जानेवारी २०२६ या कालावधीत मौजे हिंजवडी गावच्या हद्दीत हा प्रकार घडला. आरोपी दिपक कोंडीबा फडके (रा. कानगाव, ता. दौंड, जि. पुणे) याने फिर्यादी अनिकेत संजीवकुमार अग्रवाल (वय ३५, व्यवसाय – बांधकाम, रा. भोसलेनगर, गणेश खिंड, पुणे) यांचा विश्वास संपादन केला.
आरोपीने फिर्यादीस बांधकाम व्यवसायासाठी ४ कोटी रुपयांचे कर्ज मिळवून देण्याचे आमिष दाखवले. त्यासाठी तारण म्हणून बाणेर येथील फ्लॅटचा समजुतीचा करारनामा करून घेतला. तसेच कर्ज प्रक्रियेसाठी आगाऊ सुरक्षा ठेव म्हणून ५ लाख ५० हजार रुपये घेतले. मात्र, आरोपीने ना कर्ज मिळवून दिले ना घेतलेली रक्कम परत केली, त्यामुळे ही आर्थिक फसवणूक झाल्याचे स्पष्ट झाले.
या प्रकरणी भारतीय न्याय संहिता २०२३ च्या कलम ३१६(२) व ३१८(४) अंतर्गत गुन्हा नोंदविण्यात आला असून ६ एप्रिल २०२६ रोजी सायंकाळी ४.०८ वाजता गुन्हा दाखल करण्यात आला आहे.
सदर प्रकरणाचा पुढील तपास पोलीस उपनिरीक्षक ताकतोडे यांच्या मार्गदर्शनाखाली सुरू असून, आरोपीचा शोध सुरू आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
