पुणे/सोलापूर:
बार्शी (जि. सोलापूर) येथील अलिपूर रोडवर असलेल्या **’सुश्रुत मल्टी स्पेशालिटी हॉस्पिटल’**च्या इमारतीला अग्निशमन विभागाचा वैध ना हरकत दाखला (NOC) नसतानाही रुग्णालय बेकायदेशीरपणे चालवले जात असल्याची गंभीर बाब समोर आली आहे. या प्रकरणी आरोग्य प्रशासनाने अत्यंत कडक पाऊल उचलले असून, सोलापूरच्या जिल्हा शल्यचिकित्सक डॉ. वर्षा डोईफोडे यांनी रुग्णालय संचालक डॉ. संजय अंधारे यांना ‘अंतिम कारणे दाखवा नोटीस’ बजावली आहे. या नोटिसीनुसार, रुग्णालयाचा ‘बॉम्बे नर्सिंग होम ॲक्ट’अंतर्गत दिलेला परवाना का रद्द करण्यात येऊ नये, याचा समाधानकारक खुलासा ५ दिवसांच्या आत सादर करण्याचे आदेश देण्यात आले आहेत. 
आरोग्य उपसंचालकांशी प्रदीर्घ चर्चा आणि पाठपुरावा
रुग्ण हक्क संघर्ष समितीचे महाराष्ट्र प्रदेशाध्यक्ष संजय बावळेकर आणि रुग्ण हक्क संघर्ष समितीचे बार्शी तालुका अध्यक्ष संदीप चतुर्भुज सुतार यांच्या नेतृत्वाखालील शिष्टमंडळाने या गंभीर समस्येवर थेट पुणे गाठले. तेथे त्यांनी पुणे मंडळाचे आरोग्य उपसंचालक भगवान पवार साहेब यांची भेट घेऊन या बेकायदेशीर रुग्णालयाबाबत सविस्तर चर्चा केली. या चर्चेमध्ये रुग्ण हक्क संघर्ष समितीचे पदाधिकारी तसेच सामाजिक व राजकीय क्षेत्रातील मान्यवर सचिन चतुर्भुज सुतार, निशिकांत सुतार, सुहास काळे, श्री चंद्रकांत मोरबाळे आणि पुणे उपशहर प्रमुख अमित मानकर हे देखील प्रामुख्याने उपस्थित होते. या सर्वांनी बार्शीतील रुग्णांच्या जीविताशी होणाऱ्या खेळभांडाविषयी आरोग्य उपसंचालकांचे तीव्रतेने लक्ष वेधले.
नेमके प्रकरण काय आहे?
बार्शी तालुका अध्यक्ष श्री. संदीप चतुर्भुज सुतार यांनी ६ जून २०२६ रोजी जिल्हा शल्यचिकित्सकांकडे अधिकृत तक्रार दाखल केली होती. सुश्रुत हॉस्पिटलच्या इमारतीकडे वैध अग्निशमन दाखला (Fire NOC) नसून, अशा असुरक्षित इमारतीत रुग्णालय चालवून शेकडो निष्पाप रुग्णांचा जीव धोक्यात घातला जात असल्याचा आरोप तक्रारीत करण्यात आला होता. या बेकायदेशीर कारभाराविरोधात रुग्ण हक्क संघर्ष समितीने वारंवार तक्रार अर्ज आणि आत्मदहनाचे इशारे देणारे निवेदन प्रशासनाला दिले होते.
याची तात्काळ दखल घेत, मा. उपसंचालक, आरोग्य सेवा पुणे मंडळ यांनी ८ जून २०२६ रोजी सोलापूर कार्यालयाला विशेष पत्र (पत्र क्र. १७९०५-०९/२६ व १८०३०/२६) पाठवून ‘बॉम्बे नर्सिंग होम ॲक्ट २०२१’ (Bombay Nursing Home Act) अन्वये सदर हॉस्पिटलची पुनर्तपासणी करून तात्काळ अहवाल सादर करण्याचे आदेश दिले होते.
५ दिवसांत परवाना रद्द होणार; प्रशासनाचा सज्जड दम
जिल्हा रुग्णालय, सोलापूरच्या जिल्हा शल्यचिकित्सक डॉ. वर्षा डोईफोडे यांनी जारी केलेल्या अंतिम कारणे दाखवा नोटिसीत (जा.क्र.जिशचि/कार्यालय/आस्था/तक्रार/७४०२-०४/२०२६, दिनांक १६ जून २०२६) स्पष्ट म्हटले आहे की, सुश्रुत हॉस्पिटलचे संचालक डॉ. संजय अंधारे यांनी ही नोटीस मिळाल्यापासून ५ दिवसांच्या आत आपला खुलासा सादर करावा. जर हा खुलासा समर्पक, वस्तुनिष्ठ आणि कायदेशीर पुराव्यांवर आधारित नसेल, तर रुग्णालयाचा परवाना थेट रद्द केला जाईल.
यासोबतच, ग्रामीण रुग्णालय बार्शीच्या वैद्यकीय अधीक्षकांनाही आदेश देण्यात आले आहेत की, त्यांनी सदर नोटीस डॉ. संजय अंधारे यांना बजावून, त्यांचा खुलासा आपल्या स्वयंस्पष्ट अभिप्रायासह सोलापूर कार्यालयाकडे तात्काळ वर्ग करावा.
अग्निशमन सुरक्षेच्या नियमांचे उल्लंघन करणाऱ्या अशा बड्या रुग्णालयांवर आरोग्य विभागाने उगारलेल्या या कायदेशीर बडग्यामुळे सोलापूर आणि बार्शी परिसरातील वैद्यकीय क्षेत्रात मोठी खळबळ उडाली आहे. रुग्ण हक्क संघर्ष समितीच्या या आक्रमक पाठपुराव्यामुळे अखेर प्रशासनाला झुकून ही कडक कारवाई करावी लागली असून, सामान्य रुग्णांच्या सुरक्षेच्या दृष्टीने हे एक मोठे पाऊल मानले जात आहे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
