कोलवडी–साष्ठे येथे २२९.६० लाखांच्या विविध विकासकामांचे भूमिपूजन व उद्घाटन सोहळा उत्साहात संपन्न
हवेली (पुणे) | प्रतिनिधी
कोलवडी–साष्ठे (ता. हवेली) परिसराच्या सर्वांगीण विकासासाठी राबविण्यात येणाऱ्या विविध विकासकामांचे भूमिपूजन व उद्घाटन सोहळा मोठ्या उत्साहात पार पडला. सुमारे २२९.६० लाख रुपयांच्या निधीतून या विकासकामांची अंमलबजावणी करण्यात येणार असून, यामुळे परिसरातील नागरिकांच्या मूलभूत सोयी-सुविधांमध्ये लक्षणीय सुधारणा होणार आहेत.
या विकासकामांचे भूमिपूजन आमदार पै. ज्ञानेश्वर कटके यांच्या शुभहस्ते करण्यात आले. कार्यक्रमात बोलताना आमदार कटके यांनी सांगितले की, “मी काम करत आलो आहे, काम करत राहणार आहे आणि कामात कधीही फरक पडू देणार नाही. नागरिकांनी माझ्यावर दाखवलेला विश्वास हीच माझी खरी ताकद आहे. या विश्वासाच्या बळावर विकासाची योग्य दिशा ठरवत पुढे वाटचाल करत राहू.”
स्थानिक नागरिकांच्या अडचणी, अपेक्षा व गरजा लक्षात घेऊन प्रत्येक विकासकाम गुणवत्तापूर्ण व वेळेत पूर्ण करण्याचा प्रयत्न राहील, असेही त्यांनी स्पष्ट केले. लोकप्रतिनिधी म्हणून संवेदनशील व जबाबदार भूमिका निभावण्याचा आपला सातत्याने प्रयत्न राहील, असे आश्वासन त्यांनी यावेळी दिले.
विकासकामांचा तपशील
या कार्यक्रमांतर्गत खालील महत्त्वाच्या कामांचे भूमिपूजन करण्यात आले—
कोलवडी ते भालसिंग वस्ती रस्ता — ₹१५०.०० लाख
कोलवडी केसवंद शिव रस्त्यावरील ओढ्यावर साकव बांधकाम — ₹२०.०० लाख
साष्ठे येथील सोनमळा वस्ती रस्ता — ₹१५.५० लाख
अधिव्यनायक महामार्ग ते समर्थ पार्क रस्ता — ₹१५.२० लाख
कोलवडी येथील शितोळे वस्ती रस्ता — ₹२०.५० लाख
साडे येथील पुणेवाडी मारुती मंदिर रस्ता — ₹१०.५० लाख
या विविध विकासकामांमुळे रस्ते, दळणवळण व सार्वजनिक सुविधा अधिक सक्षम होऊन ग्रामस्थांच्या दैनंदिन जीवनात मोठा बदल घडून येणार आहे.
कार्यक्रमास मोठ्या संख्येने मान्यवर उपस्थित
या उद्घाटन व भूमिपूजन सोहळ्यास पोपट दादा गायकवाड, तुकाराम आबा पवार, रामदास अण्णा गायकवाड, शशिकांत दादा गायकवाड, पंकज भाऊ गायकवाड, विकास सुदाम कांचन, बाजीराव आप्पा भालसिंग, बाळासाहेब नाना भाडळे, सतीश आबा गायकवाड, विलास बापू भोसले, अमर आबा गायकवाड, अशोक सुदाम गायकवाड, संतोष आप्पा मुरकुटे, स्वप्निल बाळासाहेब उंद्रे, योगेश दत्तात्रय उंद्रे, अमोल पाटील गायकवाड व रवींद्र गायकवाड यांच्यासह ग्रामपंचायत सदस्य, महिला पदाधिकारी व मोठ्या संख्येने ग्रामस्थ उपस्थित होते.
कार्यक्रमाच्या शेवटी ग्रामस्थांनी विकासकामांबाबत समाधान व्यक्त करत आमदार ज्ञानेश्वर कटके यांचे आभार मानले. या विकासकामांमुळे कोलवडी–साडे परिसराच्या विकासाला नवी गती मिळेल, असा विश्वास नागरिकांनी व्यक्त केला.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
