पुणे:
पुणे महानगरपालिकेच्या परिमंडळ क्रमांक ५ चे उपायुक्त माधव जगताप यांच्या मनमानी आणि भेदभावयुक्त कारभाराविरुद्ध युवक काँग्रेसने तीव्र संताप व्यक्त केला आहे. शिस्तीच्या नावाखाली गरीब सफाई सेवकांवर अन्यायकारक कारवाई केली जात असून, राजकीय दबावामुळे वेगवेगळ्या कर्मचाऱ्यांसाठी वेगवेगळे निकष लावले जात असल्याचा गंभीर आरोप युवक काँग्रेसचे सरचिटणीस सागर धाडवे यांनी केला आहे. याबाबत त्यांनी मनपा आयुक्तांना निवेदन देऊन सखोल निष्पक्ष चौकशीची मागणी केली आहे.
कारवाईतील दुजाभाव आणि राजकीय हस्तक्षेप
उपायुक्त माधव जगताप यांनी आंबील ओढा आरोग्य कोठी येथे अचानक भेट देऊन तेथील १९ सफाई सेवकांवर कारवाईचे आज्ञापत्रक काढले होते. मात्र, या कारवाईदरम्यान सत्ताधारी भाजपच्या नगरसेवकाच्या कुटुंबातील जवळची व्यक्ती सापडल्याने राजकीय दबावातून मूळ कारवाई बदलण्यात आली आणि केवळ नोटिसा बजावण्यात आल्याचा आरोप करण्यात येत आहे. याउलट, विश्रामबाग क्षेत्रीय कार्यालयाच्या हद्दीतील बोंबील मार्केट आरोग्य कोठीतील ३ कर्मचारी आणि लक्ष्मी नगर आरोग्य कोठीतील ६ कर्मचाऱ्यांवर थेट निलंबनाची कारवाई करून 
त्यांच्याविरुद्ध खातेनिहाय चौकशीचे आदेश देण्यात आले. एकाच प्रकारच्या कथित कसुरीसाठी प्रशासनाकडून असे दोन वेगवेगळे निकष का लावले जात आहेत, असा सवाल युवक काँग्रेसने उपस्थित केला आहे.
युवक काँग्रेसच्या प्रमुख मागण्या
आंबील ओढा आरोग्य कोठीतील कारवाईमध्ये राजकीय दबावामुळे झालेला बदल आणि फेरबदलाची निष्पक्ष चौकशी करण्यात यावी.
बोंबील मार्केट व लक्ष्मी नगर येथील निलंबित कर्मचाऱ्यांना ज्या पद्धतीने नाहक कारवाईचा सामना करावा लागला आहे, त्याच निकषांनुसार आंबील ओढा येथील कर्मचाऱ्यांबाबतही समान निर्णय घेण्यात यावा.
निलंबीत कर्मचाऱ्यांना तत्काळ सेवेत रुजू करून घेण्यात यावे.
केवळ चतुर्थ श्रेणी कर्मचाऱ्यांवर कारवाई करण्याऐवजी त्यांच्यावर देखरेख करणाऱ्या संबंधित मोकादम, आरोग्य निरीक्षक आणि वरिष्ठ आरोग्य निरीक्षक यांच्या प्रशासकीय जबाबदारीचीही कसून चौकशी करावी.
उपायुक्तांनी फक्त सफाई सेवकांकडे लक्ष न देता आपल्या अखत्यारितील रस्त्यांवरील खड्डे, अनधिकृत बांधकामे, राजकीय दबावामुळे होणारी अतिक्रमणे आणि टेंडरमधील कथित अनियमितता याकडेही लक्ष देऊन समान तरतुदीनुसार कारवाई करावी.
सफाई कर्मचाऱ्यांमध्ये भेदभावाची भावना निर्माण करणारा हा कारभार कोणत्याही परिस्थितीत सहन केला जाणार नाही. प्रशासनाने तात्काळ योग्य ती सुधारणा न केल्यास युवक काँग्रेसच्या वतीने तीव्र स्वरूपाचे आंदोलन छेडण्यात येईल, असा इशारा सरचिटणीस सागर धाडवे (मोबा: ९७६२७९२७६९) यांनी दिला आहे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
