पुणे शहरात आंबेगाव पोलीस स्टेशनच्या हद्दीत जुन्या भांडणाच्या वादातून फिर्यादीच्या मुलावर गोळीबार करून पसार झालेल्या रेकॉर्डवरील सराईत गुन्हेगारांना पुणे पोलिसांच्या गुन्हे शाखा आणि आंबेगाव पोलिसांनी सापळा रचून जेरबंद केले आहे. या कारवाईत पोलिसांनी आरोपींकडून तीन गावठी पिस्टल आणि चार जिवंत काडतुसे जप्त केली आहेत.
घटनेची पार्श्वभूमी
दिनांक ०५ सप्टेंबर २०२६ रोजी रात्री १:३० वाजण्याच्या सुमारास, भेंडी चौक, आंबेगाव (बु.) येथील हरणाई कॉम्प्लेक्स बिल्डिंगच्या पार्किंगमध्ये फिर्यादीचा मुलगा आपली गाडी पार्क करून जिन्याने घरी जात असताना ही घटना घडली. पूर्ववैर व जुन्या भांडणाच्या वादातून आरोपींनी फिर्यादीच्या मुलाला शिवीगाळ केली आणि जिवे ठार मारण्याच्या उद्देशाने त्यांच्याकडील गावठी पिस्टलने त्याच्या दिशेने दोन राऊंड फायर केले. त्यानंतर आरोपी घटनास्थळावरून पिस्टल घेऊन पसार झाले होते.
या प्रकरणी आंबेगाव पोलीस स्टेशन येथे गु.र.नं. ३८०/२०२६ नुसार भारतीय न्याय संहितेच्या कलम १०९ (१), १८९(२), १९०, १९१(२), ३५१(३), आर्म अॅक्ट कलम ३(२५), ३(२७), महाराष्ट्र पोलीस कायदा कलम ३७(१)(३) सह १३५ आणि क्रिमिनल लॉ अमेंडमेंट अॅक्ट कलम ७ अन्वये गुन्हा दाखल करण्यात आला आहे. या दाखल गुन्ह्याचा तपास पोलीस उपनिरीक्षक युवराज शिंदे हे करत आहेत.
तांत्रिक विश्लेषण आणि यशस्वी सापळा
गुन्ह्याचे गांभीर्य लक्षात घेता वरिष्ठांच्या मार्गदर्शनाखाली आंबेगाव पोलीस स्टेशनच्या तपास पथकाने कसोशीने प्रयत्न केले. गोपनीय माहितीच्या आधारे तसेच नमूद आरोपींच्या मोबाईल क्रमांकाचे तांत्रिक विश्लेषण करून पोलिसांनी त्यांचा शोध घेतला. शोध दरम्यान आरोपी हे दख्खन हॉटेलच्या रोड लगत, जांभूळवाडी, पुणे येथे शस्त्र बाळगून असल्याची माहिती मिळताच पोलिसांनी त्यांना ताब्यात घेतले. त्यांची अंगझडती घेतली असता त्यांच्याकडून एकूण तीन देशी पिस्टल व चार जिवंत काडतुसे हस्तगत करण्यात आली.
अटक करण्यात आलेल्या आरोपींची नावे
१) शिवदत्त उर्फ सोन्या हरीकाका कोंढरे (वय २३ वर्षे, रा. आंबेगाव बु., पुणे)
२) श्रेयश रुपेश काटे (वय २३ वर्षे, रा. धायरी फाटा, पुणे)
३) सुरज सुभाष डिंबळे (वय २३ वर्षे, रा. कल्याण)
४) अतिष उमेश मोरे (वय २८ वर्षे, रा. आंबेगाव, पुणे)
५) ऋत्विक उर्फ दगडू पाडुरंग बेलदरे (वय २४ वर्षे, रा. सदर)
पोलीस पथकाचे मार्गदर्शन व सहभाग
सदरची ही महत्वपूर्ण कारवाई अपर पोलीस आयुक्त (पश्चिम प्रादेशिक विभाग, पुणे) श्री. राजेश बनसोडे, पोलीस उपआयुक्त (परिमंडळ-२, पुणे शहर) श्री. मिलिंद मोहिते आणि सहायक पोलीस आयुक्त (भारती विद्यापीठ विभाग, पुणे) श्री. राहुल आवारे यांच्या मार्गदर्शनाखाली पार पडली.
तसेच आंबेगाव पोलीस स्टेशनचे वरिष्ठ पोलीस निरीक्षक श्री. शरद झिने व पोलीस निरीक्षक (गुन्हे) श्री. चांगदेव सजगणे यांच्या सूचनांनुसार, पोलीस उपनिरीक्षक युवराज शिंदे, पोलीस अंमलदार चेतन गोरे, हणमंत मासाळ, हरीश गायकवाड, निलेश जमदाडे, अवधुत जमदाडे, धनाजी धोत्रे, सचिन गाडे, ज्ञानेश्वर चित्ते, राकेश टेकावडे, प्रमोद भोसले, नितीन कातुर्डे, योगेश जगदाळे, अजय कामठे, सुभाष मोरे, शिवाजी पोटोळे आणि फिरोज शेख यांच्या पथकाने ही कामगिरी फत्ते केली आहे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
