उरुळी कांचन | प्रतिनिधी
उरुळी कांचन येथील साने संगीत क्लासेसच्या माध्यमातून घेण्यात आलेल्या भारतीय गंधर्व संगीत महाविद्यालय अंतर्गत डिसेंबर 2025 मध्ये झालेल्या संगीत परीक्षेत विद्यार्थ्यांनी उल्लेखनीय यश संपादन करत तब्बल 98 टक्के निकाल नोंदवला आहे. या यशस्वी विद्यार्थ्यांचा पारितोषिक वितरण व गुणगौरव समारंभ काल दुपारी साने संगीत क्लासेस, उरुळी कांचन येथे उत्साहात पार पडला.
या यशाचे शिल्पकार आणि सर्व वाद्यांमध्ये पारंगत असलेले श्री शिवराज साने सर यांच्या मार्गदर्शनाचा विद्यार्थ्यांच्या प्रगतीत मोठा वाटा आहे. साने संगीत क्लासेसमध्ये वर्षभर विविध सांस्कृतिक व शैक्षणिक उपक्रम राबविले जातात. यामध्ये वार्षिक सहल, स्नेहसंमेलन, आकाशवाणी व दूरदर्शनवरील विद्यार्थी सहभाग, समाजप्रबोधन व जनजागृती पथनाट्ये आदी उपक्रमांचा समावेश आहे.
पारितोषिक वितरण समारंभाचे अध्यक्षस्थान ज्येष्ठ पत्रकार श्री सहदेव खंडागळे यांनी भूषविले. प्रमुख पाहुणे म्हणून ह.भ.प. डॉ. श्री रविंद्र भोळे, कवी व इतिहास संशोधक श्री खलील शेख, पत्रकार सौ. सुवर्णाताई कांचन, सोरतापवाडी येथील उद्योजक व पत्रकार श्री बापूसाहेब चौधरी, श्री अमोल भोसले, श्री तुपे आदी मान्यवर उपस्थित होते.
यशस्वी विद्यार्थ्यांमध्ये संस्कृती अंधारे, वैष्णवी साळुंखे, रणक खरात, वेदांत गायकवाड, संकेत खंडागळे, श्रेयस गायकवाड, रुद्र जाधव, आरोही साळुंखे, यशराज साळुंखे, ऋतुजा आवळे, रियान गाडीलकर, सुयश घनवट, ओमकार कुंजीर, श्रेयस माने, समर्थ मुंडे आदी विद्यार्थ्यांचा समावेश असून कार्यक्रमाला पालक व नागरिक मोठ्या संख्येने उपस्थित होते.
कार्यक्रमाचे आयोजन श्री शिवराज साने सर यांनी केले. सूत्रसंचालन श्री रोहिदास बिचकुले यांनी केले तर आभार प्रदर्शन ज्येष्ठ पत्रकार श्री अमोल भोसले यांनी मानले.
उरुळी कांचन परिसरात साने संगीत क्लासेसच्या या यशाबद्दल सर्वत्र अभिनंदनाचा वर्षाव होत आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
