मोका (MCOCA) गुन्ह्यातील ४ महिन्यांपासून फरार असलेल्या मुख्य आरोपीला पुणे पोलिसांच्या गुन्हे शाखेकडून छत्रपती संभाजीनगरमधून अटक
पुणे:
पुणे शहरातील पोलीस ठाण्यांच्या अभिलेखानावरील पाहिजे असलेल्या आणि फरार आरोपींचा शोध घेऊन त्यांना तात्काळ ताब्यात घेण्याचे आदेश वरिष्ठ पोलीस अधिकाऱ्यांनी दिले होते. या आदेशानुसार गुन्हे शाखा युनिट ५ चे पथक फरार आरोपींचा शोध घेत असताना, पोलिसांना एका मोठ्या गुन्ह्यातील मुख्य आरोपीला जेरबंद करण्यात यश आले आहे. कोंढवा पोलीस ठाण्यात दाखल असलेल्या मोका (MCOCA) गुन्ह्यात गेल्या ४ महिन्यांपासून फरार असलेला मुख्य आरोपी अजय ऊर्फ भज्या प्रकाश निकाळजे (वय ३२ वर्षे, रा. लेन नंबर ०४, काकडे वस्ती, कोंढवा बुद्रुक, पुणे) याला पोलिसांनी छत्रपती संभाजीनगरमधून अटक केली आहे.
घटनेची पार्श्वभूमी व गुन्हा:
कोंढवा पोलीस ठाण्यात गु.र.नं १६६/२०२६ नुसार भारतीय न्याय संहिता (BNS) कलम १०९, ३२४(४), ३२४(५), ३(५), १८९(२), १८९(४), १९०, १९१(२), १९१(३), ६१(२), आर्म ऍक्ट कलम ३(२५)(२७), महाराष्ट्र पोलीस कायदा कलम ३७(१)(३) सह १३५, क्रिमिनल लॉ अमेंडमेंट कलम ३, ७ तसेच महाराष्ट्र संघटित गुन्हेगारी नियंत्रण अधिनियम सन १९९९ (मोका) चे कलम ३(१)(ii), ३(२), ३(४) अंतर्गत गुन्हा दाखल आहे. या गुन्ह्यामध्ये आरोपींनी फिर्यादीवर अग्निशस्त्राद्वारे (बंदुकीने) हल्ला केला होता. या गुन्ह्यात वापरलेले अग्निशस्त्र पुरविणारा आणि पोलिसांच्या अभिलेखावरील मुख्य पाहिजे असलेला आरोपी अजय ऊर्फ भज्या प्रकाश निकाळजे हा पोलिसांना चकवा देऊन फरार झाला होता.
पोलिसांची गुप्त कारवाई:
आरोपी अजय ऊर्फ भज्या निकाळजे हा छत्रपती संभाजीनगर जिल्ह्यात वावरत असल्याची अत्यंत गोपनीय माहिती गुन्हे शाखा युनिट ५ चे पोलीस अंमलदार शशिकांत नाळे व राहुल ढमढेरे यांना मिळाली. माहिती मिळताच गुन्हे शाखा युनिट ५ च्या पथकाने तातडीने छत्रपती संभाजीनगर येथे धाव घेतली. तिथे इंदिरानगर, अजिंठा, ता. सिल्लोड, जि. छत्रपती संभाजीनगर या भागात अचूक सापळा रचून आरोपीला अत्यंत शिताफीने ताब्यात घेण्यात आले. पुढील कायदेशीर कारवाईसाठी त्याला कोंढवा पोलीस ठाण्याच्या ताब्यात देण्यात आले आहे.
आरोपीचा गुन्हेगारी इतिहास:
पकडण्यात आलेला आरोपी हा अट्टल गुन्हेगार असून त्याच्यावर वेगवेगळ्या पोलीस ठाण्यांमध्ये खुनाचा प्रयत्न, दुखापत, दंगा करणे, चोरी, जबरी चोरी आणि वाहन चोरी यांसारखे एकूण १२ गंभीर गुन्हे दाखल आहेत. यापूर्वी त्याच्यावर ‘एमपीडीए’ (MPDA) अंतर्गत कारवाई करून त्याला १ वर्षासाठी जेलमध्ये स्थानबद्ध देखील करण्यात आले होते.
कामगिरी करणारे पोलीस पथक:
सदरची धडक कामगिरी मा. अपर पोलीस आयुक्त (गुन्हे) श्रीमती तेजस्वी सातपुते, मा. पोलीस उप आयुक्त (गुन्हे) श्री. गौहर हसन, आणि मा. सहायक पोलीस आयुक्त (गुन्हे २) श्री. राजेंद्र मुळीक यांच्या मार्गदर्शनाखाली करण्यात आली.
गुन्हे शाखा युनिट ५ चे पोलीस निरीक्षक संदीपान पवार यांच्या सूचनांनुसार, पोलीस उप निरीक्षक अभिजीत पवार, पोलीस अंमलदार राहुल ढमढेरे, शशिकांत नाळे, विनोद शिवले, शहाजी काळे, प्रताप गायकवाड, उमाकांत स्वामी, अमर चव्हाण, अकबर शेख, अविनाश इंगळे, सुधीर सोनवणे, जयदेव भोसले, नासेर देशमुख तसेच महिला पोलीस अंमलदार नेत्रिका अडसुळ आणि मयुरी पालवे यांनी या यशस्वी कारवाईत महत्त्वाची भूमिका बजावली।
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
