पुणे, ३ जून २०२६:
वाघोली परिसरात अंमली पदार्थांची विक्री करण्यासाठी आलेल्या एका आंतरराज्यीय तस्कराला पुणे शहराच्या वाघोली पोलिसांनी अत्यंत चाणाक्षपणे जेरबंद केले आहे. त्याच्याकडून ११ लाख ४० हजार ७०४ रुपये किमतीचे ब्राऊन शुगर (हेरॉईन) आणि पॉपी (डोडाचूरा) हे दोन अंमली पदार्थ जप्त करण्यात आले आहेत.
संशयावरून अटक आणि कारवाई
दिनांक ३०/०५/२०२६ रोजी वाघोली पोलीस स्टेशनचे वरिष्ठ पोलीस निरीक्षक नंदकुमार गायकवाड यांच्या सूचनेनुसार तपास पथकाचे अधिकारी व अंमलदार गुन्हे प्रतिबंध आणि अवैध धंद्यांवर कारवाई करण्यासाठी पेट्रोलिंग करत होते. केसनंद रोडवरील जोगेश्वरी विद्यालय येथील बस स्टॉपजवळ पेट्रोलिंग सुरू असताना, सहायक फौजदार बाबासाहेब मोराळे, पोलीस अंमलदार अशोक शेळके आणि सुनिल कुसाळकर यांना एक इसम संशयास्पदरीत्या फिरताना दिसला. पोलिसांनी त्याला हटकले असता, तो पळून जाण्याच्या तयारीत होता. संशय बळावल्याने पोलिसांनी त्याला तातडीने ताब्यात घेतले.
आरोपीची ओळख आणि मुद्देमाल जप्त
पोलिसांनी नाव-पत्ता विचारला असता, त्याने आपले नाव शिव कालू सिंह (वय ३३ वर्षे, रा. गल्ली नंबर ६, बालाजीनगर, केसनंद रोड, वाघोली, पुणे; मूळ गाव: मु.पो. कानसिंगकीसिड, ता. पलोदी, जि. जोधपूर, राज्य राजस्थान) असे सांगितले.
पहिली झडती (अंगझडती): आरोपी शिव कालू सिंह याची अंगझडती घेतली असता, त्याच्याकडे ११,३८,९००/- रुपये किमतीची ३२ ग्रॅम ५४० मिली वजनाची ‘ब्राऊन शुगर’ (हेरॉईन) हा अंमली पदार्थ मिळून आला. याप्रकरणी वाघोली पोलीस ठाण्यात गु.र.नं. ३६४/२०२६, एन.डी.पी.एस. अॅक्ट कलम ८ (क), २१ (ब), २९ प्रमाणे गुन्हा दाखल करून त्याला पोलीस कस्टडीत घेण्यात आले.
दुसरी झडती (घराची झडती): पोलीस कस्टडीत असताना आरोपीच्या राहत्या घराची झडती घेतली असता, तिथे १,८०४/- रुपये किमतीचा १२० ग्रॅम २८० मिली वजनाचा ‘पॉपी’ (डोडाचूरा) हा अंमली पदार्थ जप्त करण्यात आला. यानंतर गुन्ह्यात एन.डी.पी.एस. अॅक्टनुसार कलम १५ (अ) ची वाढ करण्यात आली आहे.
पोलिसांनी या कारवाईत एकूण ११,४०,७०४/- रुपये किमतीचे अंमली पदार्थ जप्त केले असून, या प्रकरणाचा पुढील तपास पथक अधिकारी मनोज बागल करत आहेत.
कारवाई करणारे पोलीस पथक
ही यशस्वी कामगिरी पुणे शहराचे माननीय अपर पोलीस आयुक्त (पूर्व प्रादेशिक विभाग) श्री. मनोज पाटील, माननीय पोलीस उप आयुक्त (विशेष शाखा, अति. कार्य, परिमंडळ ७) श्री. प्रशांत अमृतकर आणि माननीय सहायक पोलीस आयुक्त (लोणीकंद विभाग) श्रीमती नुतन पवार यांच्या मार्गदर्शनाखाली पूर्ण करण्यात आली.
या कारवाईत खालील अधिकारी व अंमलदारांच्या पथकाचा सहभाग होता:
श्री. नंदकुमार गायकवाड (वरिष्ठ पोलीस निरीक्षक, वाघोली पोलीस स्टेशन)
श्रीमती पल्लवी मेहेर (पोलीस निरीक्षक, गुन्हे, वाघोली पोलीस स्टेशन)
पोउपनि मनोज बागल (तपास पथक अधिकारी)
पोलीस अंमलदार पथक:
बाबासाहेब मोराळे, प्रदिप मोटे, मंगेश जाधव, सुनिल कुसाळकर, समीर भोरडे, पांडुरंग माने, विशाल गायकवाड, दिपक कोकरे, साईनाथ रोकडे, प्रितम वाघ, शिवाजी चव्हाण, मारुती वाघमारे, अशोक शेळके, अमोल सरतापे आणि गहिनाथ बोयणे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
