पुणे, दि. 28 एप्रिल: महाराष्ट्र राज्य सेवा हक्क अधिनियम, 2015 ची प्रभावी अंमलबजावणी तसेच माहिती तंत्रज्ञानाच्या माध्यमातून नागरिकांना जलद, पारदर्शक व सुलभ सेवा उपलब्ध करून देण्यासाठी पुणे महानगरपालिकेने राबविलेल्या नाविन्यपूर्ण उपक्रमांची राज्यस्तरावर दखल घेण्यात आली आहे. या उल्लेखनीय कार्याबद्दल पुणे महापालिका आयुक्त मा. श्री. नवल किशोर राम यांचा “द्वितीय सेवा हक्क दिन” निमित्त आयोजित राज्यस्तरीय सोहळ्यात सन्मान करण्यात आला.
दि. 28.04.2026 रोजी मुंबई येथील सह्याद्री राज्य अतिथीगृह येथे हा सोहळा पार पडला. राज्याचे मा. मुख्य सचिव श्री. राजेश अग्रवाल यांच्या हस्ते हा सन्मान प्रदान करण्यात आला. यावेळी राज्य लोकसेवा हक्क आयोगाचे मा. प्रमुख श्री. मनुकुमार श्रीवास्तव हे प्रमुख उपस्थित होते.
हा राज्यस्तरीय कार्यक्रम सामान्य प्रशासन विभाग आणि महाराष्ट्र राज्य सेवा हक्क आयोग यांच्या संयुक्त विद्यमाने आयोजित करण्यात आला होता.
पीएमसी 360 उपक्रमाची राज्यस्तरावर दखल
पुणे महानगरपालिकेमार्फत नागरिकांना अधिक गतिमान, पारदर्शक आणि तंत्रज्ञानाधारित सेवा देण्यासाठी PMC 360 ही संकल्पना प्रभावीपणे राबविण्यात येत आहे. या अंतर्गत विविध डिजिटल सुविधा नागरिकांसाठी उपलब्ध करून देण्यात आल्या आहेत.
यामध्ये पुढील सेवा समाविष्ट आहेत:
अधिकृत संकेतस्थळ
सेवा पोर्टल
तक्रार निवारण प्रणाली
DBT पोर्टल
ऑनलाईन पेमेंट सुविधा
ई-स्वाक्षरी (eSign)
QR Code प्रमाणीकरण
WhatsApp BOT
आपले सरकार पोर्टल
PMC Care इंटरफेस
नागरिकाभिमुख सेवांना गती
मागील वर्षभरात या सर्व प्रणाली अद्ययावत करण्यात आल्यामुळे महाराष्ट्र लोकसेवा हक्क अधिनियमाची अंमलबजावणी अधिक सुलभ, परिणामकारक आणि नागरिकाभिमुख झाली असल्याचे सांगण्यात आले.
आयुक्तांच्या नेतृत्वाचे कौतुक
सदर उपक्रम यशस्वीपणे राबविण्यासाठी मा. आयुक्त श्री. नवल किशोर राम यांच्या मार्गदर्शनाखाली पुणे महापालिकेतील अधिकारी व कर्मचारी कार्यरत असून, त्यांच्या कार्याची दखल घेत राज्य सेवा हक्क आयुक्तांनी अभिनंदन केले आहे.
या सन्मानामुळे पुणे महानगरपालिकेच्या प्रशासनिक कार्यक्षमतेला आणि डिजिटल सेवांना राज्यस्तरावर मोठी मान्यता मिळाल्याचे मानले जात आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
