पुणे महापालिकेतील कर्तबगार व निष्कलंक अधिकाऱ्याची अतिरिक्त आयुक्तपदी पदोन्नती करण्याची मागणी
मुंबई / पुणे | प्रतिनिधी
पुणे महानगरपालिकेतील कर्तबगार, निष्कलंक व उत्कृष्ट सेवा नोंद असलेल्या अधिकाऱ्याची अतिरिक्त आयुक्त पदावर पदोन्नती करण्यात यावी, अशी मागणी जागरूक नागरिक विकास मंच, पुणे यांच्या शिष्टमंडळाने मा. मुख्यमंत्री यांच्याकडे केली आहे. मुंबई येथे सुरू असलेल्या अधिवेशनादरम्यान संबंधित निवेदन सादर करण्यात आले.
संस्थेचे संस्थापक अध्यक्ष सुनील पवार यांच्या नेतृत्वाखालील शिष्टमंडळाने मुख्यमंत्री तसेच संबंधित वरिष्ठ अधिकाऱ्यांना सादर केलेल्या निवेदनात म्हटले आहे की, पुणे महानगरपालिकेतील एका वरिष्ठ अधिकाऱ्याची सेवा नोंद स्वच्छ, उत्कृष्ट व उल्लेखनीय असून कोणतीही विभागीय चौकशी, दंडात्मक कारवाई किंवा वादग्रस्त नोंद नसताना त्यांना पदोन्नतीत प्राधान्य द्यावे.
निवेदनात महाराष्ट्र शासनाच्या संबंधित शासन निर्णयाचा संदर्भ देत, मनपा सेवेत गुणवत्ताधारित व पारदर्शक पदोन्नती प्रक्रियेवर भर देण्यात यावा, अशी मागणी करण्यात आली आहे. प्रशासनात कार्यक्षम व प्रामाणिक अधिकाऱ्यांना संधी दिल्यास नागरी सेवांचा दर्जा उंचावेल, असा विश्वासही व्यक्त करण्यात आला.
दरम्यान, या निवेदनाची दखल घेऊन शासन स्तरावर सकारात्मक निर्णय व्हावा, अशी अपेक्षा व्यक्त केली जात आहे. संबंधित अधिकाऱ्याच्या पदोन्नतीबाबत आता शासन काय निर्णय घेते, याकडे पुणे महापालिका वर्तुळासह नागरिकांचे लक्ष लागले आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
