मुंढवा पोलिसांची उल्लेखनीय कामगिरी
कर्जफेडीसाठी चुलत भावाच्या घरी घरफोडी करणारा आरोपी २४ तासांत अटकेत;
२२.९९ लाखांचा मुद्देमाल हस्तगत
मुंढवा पोलीस ठाण्याच्या हद्दीत घडलेल्या घरफोडीच्या गुन्ह्याचा अवघ्या २४ तासांत छडा लावत मुंढवा पोलिसांनी आरोपीला अटक केली असून, गुन्ह्यातील सुमारे २२ लाख ९९ हजार रुपये किमतीचे सोन्या-चांदीचे दागिने व रोख रक्कम हस्तगत करण्यात आली आहे.
या संदर्भात सविस्तर वृत्त असे की, मुंढवा पोलीस ठाणे गुन्हा रजिस्टर नंबर ३२/२०२६, बी.एन.एस. कलम ३०५(अ), ३३१(३), ३३१(५) अन्वये दिनांक ५ फेब्रुवारी २०२६ रोजी सकाळी ७.०० वाजेपासून ६ फेब्रुवारी २०२६ रोजी दुपारी ४.१५ वाजेपर्यंत, सर्व्हे नंबर ९४/बी, मुंढवा, पुणे येथील फिर्यादी यांच्या राहत्या फ्लॅटमध्ये अज्ञात चोरट्याने घरफोडी करून
३७९ ग्रॅम सोन्याचे दागिने, १ किलो चांदी व २ लाख रुपये रोख असा एकूण २२,९९,००० रुपये किमतीचा ऐवज चोरीस नेल्याची तक्रार दाखल करण्यात आली होती.
या गुन्ह्याच्या तपासासाठी वरिष्ठ पोलीस निरीक्षक यांनी स्वतः घटनास्थळी भेट देऊन पाहणी केली असता, हा प्रकार ओळखीच्या व्यक्तीने केल्याचा संशय बळावला. त्या अनुषंगाने परिसरातील सीसीटीव्ही फुटेज व गोपनीय बातमीदारांच्या माहितीच्या आधारे तपास करण्यात आला.
तपासादरम्यान फिर्यादी यांचा नातेवाईक व चुलत भाऊ आशुतोष अशोक कासवा, रा. सर्व्हे नं. ९४/बी, मुंढवा, पुणे याला ताब्यात घेण्यात आले. कसून चौकशीत आरोपीने कर्जाची परतफेड करण्यासाठी चोरी केल्याची कबुली दिली.
आरोपीच्या राहत्या घरातून चोरीस गेलेले सर्व सोन्या-चांदीचे दागिने व रोख रक्कम असा एकूण २२.९९ लाखांचा मुद्देमाल हस्तगत करण्यात आला असून, आरोपी सध्या पोलिसांच्या ताब्यात आहे. पुढील तपास सुरू आहे.
सदरची उल्लेखनीय कामगिरी पोलीस आयुक्त श्री. अमितेश कुमार, पोलीस सह आयुक्त श्री. रंजनकुमार शर्मा, अपर पोलीस आयुक्त श्री. मनोज पाटील, पोलीस उपआयुक्त, परिमंडळ ६, श्री. राजकुमार शिंदे तसेच सहाय्यक पोलीस आयुक्त श्री. अतुलकुमार नवगिरे यांच्या अधिपत्याखाली करण्यात आली.
तसेच मुंढवा पोलीस ठाण्याच्या वरिष्ठ पोलीस निरीक्षक श्रीमती स्मिता वासनिक यांच्या मार्गदर्शनाखाली तपास पथकातील सहाय्यक पोलीस निरीक्षक गणेश पिंग्वाले, पोलीस उपनिरीक्षक युवराज पोमण, सहाय्यक पोलीस फौजदार राजू कदम, पोलीस हवालदार शिवाजी जाधव, योगेश गायकवाड, राहुल मोरे, राहुल धोत्रे, शिवाजी धांडे, तसेच पोलीस अंमलदार अक्षय धुमाळ, स्वप्नील रासकर व योगेश राऊत यांच्या पथकाने ही यशस्वी कारवाई केली.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
