खोटी बनावट पेमेन्ट स्लिपद्वारे न्यायालयाची फसवणूक करणाऱ्या आरोपीस शिवाजीनगर पोलिसांकडून अटक
पुणे शहरातील शिवाजीनगर पोलीस ठाण्याच्या हद्दीत खोटी बनावट पेमेन्ट स्लिप तयार करून मा. न्यायालयाची फसवणूक केल्याचा गंभीर प्रकार उघडकीस आला असून, या प्रकरणी शिवाजीनगर पोलिसांनी एका आरोपीस अटक केली आहे.
या प्रकरणात श्री. अरविंद ललित सोमाणी (रा. खडकवासला, पुणे) यांनी शिवाजीनगर पोलीस ठाण्यात फिर्याद दाखल केली होती. फिर्यादीच्या तक्रारीनुसार, आरोपी गणेश अजिनाथ बोराटे (रा. कोंढवे धावडे, ता. हवेली, जि. पुणे) याच्यावर मा. न्यायालयाने काढलेल्या वॉरंटच्या अनुषंगाने, दमास इंडस्ट्रीज, शेड नं. १, नवले इंडस्ट्रियल इस्टेट, नऱ्हे, पुणे येथील कंपनीच्या नावाने जामीनदार म्हणून विक्रम भिमाजी धोंडगे (रा. कोंढवे धावडे, ता. हवेली, जि. पुणे) याच्या नावाची खोटी बनावट पेमेन्ट स्लिप तयार करून ती मा. न्यायालयात सादर करण्यात आली होती.
सदर बनावट पेमेन्ट स्लिपचा वापर करून न्यायालयाची फसवणूक केल्याचा प्रयत्न करण्यात आल्याचे तपासात निष्पन्न झाले. आरोपी गणेश अजिनाथ बोराटे व त्याचा साथीदार आरोपी विक्रम भिमाजी धोंडगे यांनी संगनमताने हा प्रकार केल्याचे तपासादरम्यान स्पष्ट झाले आहे.
शिवाजीनगर पोलिसांनी सदर गुन्ह्याचा तपास करताना तांत्रिक विश्लेषण तसेच गुप्त बातमीदारामार्फत माहिती घेतली असता, या गुन्ह्यातील पाहिजे आरोपी विक्रम भिमाजी धोंडगे यास दि. 23/01/2026 रोजी अटक करण्यात आली आहे. सध्या सदर आरोपी न्यायालयीन कोठडीत येरवडा मध्यवर्ती कारागृह, पुणे येथे दाखल आहे.
दरम्यान, खोटी बनावट पेमेन्ट स्लिप तयार करणारा मुख्य आरोपी गणेश अजिनाथ बोराटे याचा शोध शिवाजीनगर पोलीस कसोशीने घेत आहेत, असेही पोलिसांकडून सांगण्यात आले आहे.
सदर कारवाई मा. सह पोलीस आयुक्त (सो.) श्री. रंजनकुमार शर्मा, मा. अपर पोलीस आयुक्त (सो.) पश्चिम प्रादेशिक विभाग श्री. राजेश बनसोडे, मा. पोलीस उपआयुक्त (सो.) परिमंडळ-१ श्री. कृषीकेश रावले, तत्कालीन मा. सह पोलीस आयुक्त (सो.) श्री. साईनाथ ठोंबरे यांच्या मार्गदर्शनाखाली करण्यात आली.
ही कारवाई वरिष्ठ पोलीस निरीक्षक श्री. गिरीशकुमार दिधावकर, सहाय्यक पोलीस निरीक्षक श्री. संतोष पाटील, तसेच पोलीस अंमलदार नलिनी क्षिरसागर, सचिन जाधव, तेजस चापड, दीपक चव्हाण यांनी यशस्वीरीत्या पार पाडली आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
