थंडीच्या दिवसांत मायेची ऊब — बेघरांना ब्लँकेट वाटपाचा संवेदनशील उपक्रम
सध्या थंडीचे दिवस सुरू असून, घराच्या चार भिंतीत राहूनसुद्धा थंडीची झळ जाणवत आहे. अशा परिस्थितीत फूटपाथवर, उघड्यावर राहणाऱ्या बेघर कुटुंबांची अवस्था किती बिकट असेल, याची कल्पनाही करवत नाही. थंडीमुळे कुडकुडणारी लहान मुले पाहून त्यांच्या आईचे हृदय किती पिळवटून जात असेल, हे शब्दांत मांडणे कठीण आहे. आर्थिक परिस्थितीमुळे त्या माता आपल्या लेकरांसाठी काहीच करू शकत नाहीत, ही वास्तवाची वेदनादायक बाजू आहे.
याच जाणीवेतून आणि मायेच्या भावनेतून डॉ. आम्रपाली मोहिते यांनी एक आई म्हणून या निराधार लेकरांना मायेची ऊब देण्याचा छोटासा पण अर्थपूर्ण प्रयत्न केला. थंडीच्या कडाक्यात फूटपाथवर राहणाऱ्या बेघर नागरिकांना व लहान मुलांना ब्लँकेटचे वाटप करण्यात आले.
या उपक्रमामुळे थंडीपासून थोडासा दिलासा मिळालाच, पण त्याहून अधिक महत्त्वाचे म्हणजे समाजात माणुसकी आणि संवेदनशीलतेचा संदेश पोहोचला. “आपली सप्तरंगी आई” म्हणून ओळखल्या जाणाऱ्या डॉ. आम्रपाली मोहिते यांच्या या सामाजिक कार्याचे सर्व स्तरातून कौतुक होत असून, अशा उपक्रमांमुळे समाजात आशा आणि मायेची उब निर्माण होत आहे.
थंडीच्या दिवसांत अशा मानवीय उपक्रमांची गरज अधिक असून, समाजातील इतरांनीही पुढाकार घेऊन गरजूंसाठी मदतीचा हात पुढे करावा, अशी अपेक्षा व्यक्त होत आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
