राहुरी (अहमदनगर) | क्राईम महाराष्ट्र लाईव्ह न्यूज
सहसंपादक – शिवाजी दवणे
मो. 9730170965
राहुरी शहर हद्दीत एका ३५ वर्षीय महिलेला मोबाईलवरून अश्लील व लैंगिक स्वरूपाची धमकी देत विनयभंग केल्याची घटना उघडकीस आली आहे. या प्रकरणी राहुरी पोलीस ठाणे येथे गुन्हा दाखल करण्यात आला असून पोलिसांनी तपास सुरू केला आहे.
काय आहे प्रकरण?
दि. ५ फेब्रुवारी २०२६ रोजी सकाळी सुमारे ७ वाजण्याच्या सुमारास पिडीत महिलेला ९६३७२८३३३३ या मोबाईल क्रमांकावरून फोन आला. आरोपीने महिलेची ओळख काढण्याच्या उद्देशाने “तू कोठे राहतेस?” अशी विचारणा करत तिचा पत्ता जाणून घेण्याचा प्रयत्न केला.
यानंतर आरोपीने अत्यंत अश्लील, लैंगिक व अपमानास्पद भाषा वापरून महिलेचा विनयभंग केल्याचा आरोप आहे. या प्रकारामुळे महिलेला मानसिक धक्का बसला असून तिने तात्काळ पोलीस ठाण्यात धाव घेत फिर्याद नोंदवली.
गुन्हा दाखल
महिलेच्या फिर्यादीवरून गुन्हा रजि. नं. १३३/२०२६ अन्वये भारतीय न्याय संहिता (BNS) कलम ७८ व ७९ प्रमाणे विनयभंगाचा गुन्हा नोंद करण्यात आला आहे. संबंधित मोबाईल क्रमांकधारकाचा शोध घेण्याचे काम पोलिसांनी हाती घेतले आहे.
या प्रकरणाचा तपास पोलीस निरीक्षक संजय ठेंगे यांच्या मार्गदर्शनाखाली हवालदार संदिप ठाणगे करीत आहेत. आरोपीचा मोबाईल नंबर कोणाच्या नावावर नोंदणीकृत आहे, याचा तपास सुरू असून लवकरच आरोपीचा माग काढला जाईल, अशी माहिती पोलिसांकडून देण्यात आली.
महिलांनी सतर्क राहावे —
अशा प्रकारचे फोन कॉल आल्यास तत्काळ कॉल रेकॉर्ड, स्क्रीनशॉट जतन करून जवळच्या पोलीस ठाण्यात किंवा सायबर सेलमध्ये तक्रार नोंदवावी, असे आवाहन पोलिसांनी केले आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
