“लोणी काळभोरमध्ये नोटीसविना अतिक्रमण कारवाई – पाटबंधारे अधिकाऱ्यांच्या कार्यपद्धतीवर गंभीर प्रश्नचिन्ह”
लोणी काळभोर | प्रतिनिधी
लोणी काळभोर परिसरातील कुंजीरवाडी कॅनल संदर्भात पाटबंधारे विभागाकडून करण्यात आलेल्या अतिक्रमण कारवाईमुळे प्रशासनाच्या कार्यपद्धतीवर गंभीर प्रश्न उपस्थित झाले आहेत. स्थानिक नागरिकांच्या माहितीनुसार, पाटबंधारे विभागाचे उपविभागीय अभियंता मोहन बदाने व शाखा अभियंता पल्लवी जोशी यांनी कोणतीही पूर्वसूचना न देता, तब्बल सहा महिन्यांपूर्वीची जुनी व कालबाह्य नोटीस आधार मानून अचानक कारवाई केली.
विशेष म्हणजे, सदर कुंजीरवाडी कॅनलचा प्रश्न गेल्या सुमारे २० वर्षांपासून प्रशासनाकडून पूर्णतः दुर्लक्षित होता. दीर्घकाळ कोणतीही कारवाई न करता अचानक अशा पद्धतीने कारवाई करणे ही बाब संशयास्पद असून, नियोजनशून्य व मनमानी कारभाराचे उदाहरण असल्याचा आरोप नागरिकांकडून करण्यात येत आहे.
अधिक गंभीर बाब म्हणजे, ही अतिक्रमण कारवाई कोणताही पोलीस बंदोबस्त किंवा प्रशासकीय सुरक्षा व्यवस्था न ठेवता करण्यात आली. त्यामुळे परिसरात तणावपूर्ण वातावरण निर्माण झाले होते. नागरिकांच्या जीवितास व मालमत्तेस धोका निर्माण होण्याची शक्यता असतानाही प्रशासनाने आवश्यक खबरदारी घेतली नसल्याचा आरोप होत आहे.
स्थानिक नागरिक व सामाजिक कार्यकर्त्यांनी ही कारवाई नैसर्गिक न्यायाच्या तत्त्वांना छेद देणारी असल्याचे सांगत, संबंधित अधिकाऱ्यांच्या भूमिकेची उच्चस्तरीय चौकशी करण्याची मागणी केली आहे. तसेच, कारवाई आदेश, नोटीस वैधता, बंदोबस्त न घेण्यामागील कारणे आणि जबाबदारी निश्चित करून दोषी अधिकाऱ्यांवर कठोर शिस्तभंगाची कारवाई करण्यात यावी, अशी ठाम मागणी केली जात आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
