लोणीकाळभोर पोलीस स्टेशन हद्दीत सराईत गुन्हेगार सदाम इरफान अन्सारी यास १ वर्षासाठी स्थानबद्ध
पुणे | प्रतिनिधी
पुणे शहर पोलीस आयुक्तालयाच्या आदेशानुसार लोणीकाळभोर पोलीस स्टेशन हद्दीतील सराईत गुन्हेगार सदाम इरफान अन्सारी (वय २९, रा. इंद्रानगर, कडवाकस्ती, लोणीकाळभोर, ता. हवेली, जि. पुणे) याच्यावर गंभीर स्वरूपाच्या गुन्हेगारी पार्श्वभूमीमुळे प्रतिबंधात्मक कारवाई करत त्यास १ वर्ष कालावधीसाठी स्थानबद्ध करण्यात आले आहे.
सदर आरोपीविरोधात जबरी चोरी, दरोडा, मारहाण, धमकी, बेकायदेशीर शस्त्र बाळगणे, दहशत माजवणे तसेच सार्वजनिक सुव्यवस्थेला बाधा निर्माण करणारे अनेक गंभीर गुन्हे दाखल आहेत. यापूर्वीही त्याच्यावर प्रतिबंधात्मक कारवाई करण्यात आली होती. मात्र त्याने गुन्हेगारी कृत्ये सुरूच ठेवल्याने परिसरातील नागरिकांमध्ये भीतीचे वातावरण निर्माण झाले होते.
पुणे शहरातील कायदा व सुव्यवस्था अबाधित राहावी, नागरिकांचे संरक्षण व्हावे तसेच गुन्हेगारीवर आळा बसावा, या उद्देशाने सदर कारवाई करण्यात आली आहे. लोणीकाळभोर पोलीस स्टेशनकडील प्रस्तावानुसार पोलीस आयुक्तांनी एम.पी.डी.ए. कायद्यान्वये सदर गुन्हेगारास अमरावती मध्यवर्ती कारागृहात स्थानबद्ध करण्याचे आदेश दिले आहेत.
ही कारवाई मा. पोलीस आयुक्त, पुणे शहर यांच्या मार्गदर्शनाखाली, वरिष्ठ अधिकाऱ्यांच्या देखरेखीखाली तसेच लोणीकाळभोर पोलीस स्टेशनच्या अधिकाऱ्यांनी यशस्वीपणे पार पाडली आहे.
पुणे शहरात गुन्हेगारीविरोधात कठोर भूमिका कायम असून, अशा सराईत गुन्हेगारांवर यापुढेही कडक कारवाई करण्यात येणार असल्याचे पोलीस प्रशासनाने स्पष्ट केले आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
