वांबोरी घाटात गोणीत मृतदेह; अज्ञात तरुणाचा खून, पुरावा नष्ट करण्याचा संशय
नगर (अहिल्यानगर) प्रतिनिधी | क्राईम महाराष्ट्र लाईव्ह न्यूज
नगर–वांबोरी डोंगरगण घाट परिसरात आज सकाळी एक धक्कादायक प्रकार उघडकीस आला. कामानिमित्त घाटातून जात असताना काही नागरिक लघुशंकेसाठी थांबले असता रस्त्यालगत प्लास्टिकच्या गोणीत भरलेला तरुणाचा मृतदेह आढळून आला. घटनेची माहिती तत्काळ पोलिसांना देण्यात आली.
प्राथमिक पाहणीत अज्ञात तरुणाचा खून करून पुरावा नष्ट करण्याच्या उद्देशाने मृतदेह गोणीत भरून घाटात फेकून दिल्याचा संशय व्यक्त केला जात आहे. संबंधित मृतदेह कोणाचा आहे, याबाबत अद्याप स्पष्टता आलेली नसून पोलिसांकडून ओळख पटविण्याचे प्रयत्न सुरू आहेत.
सदर वांबोरी घाट परिसर अत्यंत सुनसान असल्याने यापूर्वीही अशा प्रकारे मृतदेहांची विल्हेवाट लावल्याच्या घटना समोर आल्या आहेत. त्यामुळे या घाटात गुन्हेगारी कारवायांसाठी हा मार्ग वापरला जात असल्याची चर्चा नागरिकांमध्ये सुरू आहे.
पोलीसांनी घटनास्थळी पंचनामा करून मृतदेह शवविच्छेदनासाठी पाठविला असून पुढील तपास सुरू आहे. सीसीटीव्ही फुटेज, मोबाईल लोकेशन व बेपत्ता तरुणांच्या नोंदी तपासल्या जात असल्याची माहिती सूत्रांनी दिली.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
