आळंदी येथील म्हातोबा जोगेश्वरी मंदिर देवस्थानच्या पालखी मार्गाचे भुमिपूजन संपन्न.
मौजे आळंदी म्हातोबा, ता. हवेली, जि. पुणे येथे, थेऊर ग्रामपंचायत सदस्य आरोग्यदूत युवराज हिरामण काकडे यांच्या माध्यमातून, श्री म्हातोबा जोगेश्वरी मंदिर पालखी मार्ग रस्ता सुधारणा करणे, या १० लक्ष रू कामाचा भूमिपूजन समारंभ काल मंगळवार दि. २५ सप्टेंबर २०२५ रोजी उत्साहात पार पडला. गेली अनेक वर्षांपासून या पालखी मार्गाचे काम प्रलंबित होते. येथील ग्रामस्थांनी याबाबत युवराज काकडे यांच्याकडे मागणी केली होती. ही मागणी तात्काळ मान्य करून युवराज काकडे यांनी १० लक्ष रू निधी उपलब्ध करून दिला.
या प्रसंगी आरोग्यदूत युवराज काकडे यांनी ग्रामस्थांशी संवाद साधताना, आळंदी गावच्या भविष्यातील महत्त्वाच्या विकासकामांवर लक्ष केंद्रीत करणार असल्याचे सांगितले. यामध्ये गावासाठीची ड्रेनेज लाईन STP योजना, कुंजीरवाडी- आळंदी मुख्य रस्ता, म्हातोबा मंदिर पुढील काळात (क) वर्गात समाविष्ट करण्यासाठी प्रयत्न, मल्हारगड पर्यटन क्षेत्र म्हणून विकास, विठ्ठल मंदिराजवळील नाला खोलीकरण, आरोग्य विषयक उपक्रम अशा विविध विकासकामांच्या माध्यमातून गावचा सर्वांगीण विकास करणार असल्याचे युवराज काकडे यांनी सांगितले.
यावेळी युवराज काकडे यांनी आळंदी येथील प्राथमिक आरोग्य उपकेंद्रास पुढील वर्षभर पुरतील येवढी, १ लक्ष रुपयांची गोळ्या औषधे उपलब्ध करून दिली. तसेच गावातील नागरिकांच्या आरोग्याविषयी सर्व चांगल्या सेवा सुविधा पुढील काळातही उपलब्ध करून देण्याबाबत सांगितले.
कार्यक्रमास दिलीप वाल्हेकर, अशोक जवळकर, संदेश आव्हाळे, भगवान जवळकर, मोहन जवळकर, दत्तात्रय जवळकर, शंकर जवळकर, वाल्मिक जवळकर, रतन झेंडे, भाऊसाहेब कुंजीर, संदीप पवार, श्रीपाद जवळकर, राजेश जवळकर, तेजस शिवरकर, गणेश जवळकर, योगेश जवळकर, राहुल जवळकर, अमित पवार, सागर पवार, ज्ञानेश्वर जवळकर, बाळासाहेब शिवरकर, विजय सुर्वे, गणपत जवळकर, कैलास खटाटे, दयानंद शिवरकर, दशरथ जवळकर, सखाराम जवळकर, श्रीहरी काळभोर, योगेश काकडे, प्रतिक शिंदे यांच्यासह मोठ्या संख्येने ग्रामस्थ उपस्थित होते.
या भुमिपूजन सोहळ्याच्या माध्यमातून, गावच्या सर्वांगीण विकासाची ही महत्वाची शिदोरी असल्याची भावना यावेळी ग्रामस्थांनी व्यक्त करून, युवराज काकडे यांचे आभार मानले.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
