पुणे ग्रामीण:
स्थानिक गुन्हे शाखा, पुणे ग्रामीण व मंचर पोलीस ठाणे, पुणे ग्रामीण यांनी संयुक्तपणे धडक कारवाई करत एस.टी. बस स्थानक परिसर व एस.टी. बसमध्ये प्रवाशांचे सोन्याचे दागिने चोरी करणाऱ्या एका आंतरजिल्हा टोळीस जेरबंद करण्यात मोठे यश मिळवले आहे. या कारवाईत एकूण ४,९०,००० रुपये किमतीचे ४ तोळे वजनाचे सोन्याचे दागिने हस्तगत करण्यात आले असून, यामुळे २ गंभीर गुन्हे उघडकीस आले आहेत.
कारवाईची पार्श्वभूमी व गोपनिय माहिती
आगामी गणेशोत्सवाच्या काळात कायदा व सुव्यवस्था अबाधित ठेवण्यासाठी पुणे ग्रामीणचे पोलीस अधीक्षक श्री. संदीप सिंह गिल्ल यांनी स्थानिक गुन्हे शाखेचे पोलीस निरीक्षक श्री. प्रमोद क्षीरसागर आणि मंचर पोलीस स्टेशनचे पोलीस निरीक्षक श्री. महादेव वाघमोडे यांना विशेष मार्गदर्शक सूचना दिल्या होत्या.
त्या अनुषंगाने स्थानिक गुन्हे शाखा व मंचर पोलीस स्टेशनकडील विशेष पथके तयार करून हद्दीत पेट्रोलींग करणे तसेच सराईत व फरार गुन्हेगारांवर कारवाई करण्याबाबत सूचना देण्यात आल्या होत्या. दरम्यान, पथके मंचर पोलीस स्टेशन हद्दीत पेट्रोलींग करीत असताना गोपनीय बातमीदारांमार्फत खात्रीशीर माहिती मिळाली की, एस.टी. बस स्टँडवर व एस.टी. बसमध्ये सोन्याच्या दागिन्यांची चोरी करणारी एक टोळी मंचर एस.टी. स्टँड येथे येणार आहे.
सापळा रचून संशयितास अटक व तपासातील खुलासे
मिळालेल्या माहितीनुसार, पथकाने मंचर एस.टी. स्टँड येथे जाऊन सापळा लावला. त्यावेळी एक इसम संशयितरित्या एस.टी. स्टँडवर फिरताना दिसून आल्याने पोलिसांनी त्यास ताब्यात घेतले. त्याचे नाव व पत्ता विचारले असता त्याने आपले नाव अशोक बबन भासले (रा. कासारी, ता. आष्टी, जि. बीड, सध्या रा. हिवरगाव फाटा, ता. श्रीगोंदा, जि. अहिल्यानगर) असल्याचे सांगितले.
त्यास विश्वासात घेऊन कसून चौकशी केली असता, त्याने मंचर एस.टी. स्टँड परिसरात व एस.टी. बसमध्ये महिला प्रवाशांच्या गळ्यातील व पिशव्यांमधील सोन्याच्या दागिन्यांची चोरी केल्याची कबुली दिली. त्याने दिलेल्या माहितीनुसार त्याच्या इतर साथीदारांनाही ताब्यात घेण्यात आले.
जेरबंद करण्यात आलेल्या आरोपींची नावे व पत्ते:
१. अशोक बबन भासले (रा. कासारी, ता. आष्टी, जि. बीड, सध्या रा. हिवरगाव फाटा, ता. श्रीगोंदा, जि. अहिल्यानगर)
२. सौ. अश्विनी अविनाश भोसले (रा. माहिजळगाव, ता. कर्जत, जि. अहिल्यानगर)
३. सतिष मधुकर गोरे (रा. शिवाजीनगर, जामखेड, ता. जामखेड, जि. अहिल्यानगर)
सदर तीनही आरोपींना गुन्ह्याकामी ताब्यात घेऊन अटक करण्यात आली आहे.
उघडकीस आलेले गुन्हे व जप्त मुद्देमाल
आरोपींकडून खालीलप्रमाणे दोन गुन्हे उघडकीस आणण्यात आले असून, त्यांच्याकडून ४ तोळे वजनाचे सोन्याचे दागिने (एकूण किंमत ४,९०,०००/- रुपये) जप्त करण्यात आले आहेत:
मंचर पोलीस ठाणे गु.र.नं. १४१/२०२६, बी.एन.एस. कलम ३०३(२)
मंचर पोलीस ठाणे गु.र.नं. १२०/२०२६, बी.एन.एस. कलम ३०३(२)
मार्गदर्शन व सहभागी पोलीस पथक
सदरची ही यशस्वी कारवाई पुणे ग्रामीण पोलीस अधीक्षक मा. श्री. संदीप सिंग गिल्ल, अपर पोलीस अधीक्षक मा. श्री. शुभम कुमार, खेड उपविभागीय पोलीस अधिकारी मा. श्री. अमोल मांडवे, स्थानिक गुन्हे शाखेचे पोलीस निरीक्षक श्री. प्रमोद क्षीरसागर आणि मंचर पोलीस ठाण्याचे पोलीस निरीक्षक श्री. महादेव वाघमोडे यांच्या मार्गदर्शनाखाली व आदेशान्वये पार पडली.
या तपासात स्थानिक गुन्हे शाखेकडील सहायक पोलीस निरीक्षक महादेव शेलार, सहायक पोलीस उपनिरीक्षक शरद बांबळे, पोलीस हवालदार संदीप फड, स्वप्नील गाढवे, हनुमंत ढोबळे, अतुल डेरे तसेच मंचर पोलीस स्टेशनकडील सुदाम घोडे, संजय नाडेकर, शेखर भोईर, योगेश रोडे, अजित पवार, विनोद जांभळे आणि महिला पोलीस हवालदार/अंमलदार अलिशा शेख यांनी सहभाग घेतला.
सदर गुन्ह्यांचा पुढील तपास स्थानिक गुन्हे शाखा व मंचर पोलीस स्टेशनच्या वतीने केला जात आहे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
