कोळवडी साष्ठेतील गौण खनिज गैरव्यवहारावर अनेक तक्रारीनंतरही दखल नाही; नागरिकाने ‘आपलं सरकार’ पोर्टलवर गंभीर तक्रार दाखल
पुणे – हवेली तालुक्यातील गट क्र. 72, कोळवडी साष्ठे येथील गौण खनिज उत्खननातील गैरव्यवहार, विकासकामांतील अनियमितता आणि शासकीय यंत्रणेच्या निष्काळजीपणाविरोधात नागरिक आमिर मोहम्मद शेख यांनी महाराष्ट्र शासनाच्या आपलं सरकार – Grievance Redressal Portal वर COM/GADO/2025/127 क्रमांकाची गंभीर तक्रार दाखल केली आहे.
अर्जदाराच्या मते, यापूर्वी अनेक वेळा लेखी तक्रारी, ईमेल, पोर्टलवरील नोंदी आणि थेट संबंधित अधिकाऱ्यांना कळवूनही कारवाई झाली नाही. या सततच्या दुर्लक्षामुळे शेवटचा पर्याय म्हणून “आपलं सरकार” पोर्टलवर तक्रार दाखल करण्याचा निर्णय घेण्यात आला.
तक्रारीतील प्रमुख मुद्दे:
गट क्र. 72 मध्ये बेकायदेशीर गौण खनिज (मुरुम) उत्खनन सुरू असून, संबंधित ठिकाणी प्रशासनाकडे थेट पुरावे असूनही थांबवणूक कारवाई नाही.
विकासकामांमध्ये दोन वेगवेगळ्या ठेकेदारांना एकाच कामासाठी कंत्राट देण्यात आल्याचा संशय.
शासकीय अधिकारी आणि ठेकेदारांमध्ये संगनमत असल्याचे आरोप.
अनेक तक्रारी असूनही नागरिकांच्या प्रश्नांकडे सतत दुर्लक्ष.
या प्रकरणात IPC कलम 379 (चोरी), 420 (फसवणूक), 406 (विश्वासघात), 120B (कट रचणे) तसेच पर्यावरणीय आणि खनिज कायद्यांनुसार FIR नोंदवण्याची मागणी केली आहे.
अर्जदाराने स्पष्ट केले आहे की, “सरकारी यंत्रणेकडे वेळोवेळी तक्रारी केल्या तरी निष्पक्ष व वेळेत कारवाई होत नसल्याने आम्हाला आपल्या सरकार पोर्टल, RTI आणि उच्च पातळीवरील चौकशी आयोगाकडे जावं लागतं.”
या प्रकरणावर आता शासन व चौकशी आयोग कितपत जलद आणि ठोस पावले उचलतात, याकडे सर्वांचे लक्ष लागले आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
