पुणे शहरात उद्या, दिनांक २८ मे २०२६ रोजी बकरी ईद अत्यंत उत्साहात साजरी केली जाणार आहे. या निमित्ताने मुस्लिम बांधव आपापल्या भागातील मशीद आणि ईदगाह मैदानावर सामूहिक नमाज पठणासाठी मोठ्या संख्येने एकत्र येतात. गोळीबार चौक जवळील ईदगाह मैदानावर नमाज पठणासाठी होणारी भाविकांची मोठी गर्दी लक्षात घेता, या परिसरातील वाहतूक सुरक्षित आणि सुरळीत ठेवण्यासाठी वाहतूक व्यवस्थेत मोठे बदल करण्यात आले आहेत.
पुणे शहर वाहतूक शाखेचे पोलीस उप-आयुक्त (मुख्यालय, अति. कार्य, वाहतूक) डॉ. संदीप भाजीभाकरे यांनी मोटार वाहन कायदा कलम ११५, ११६ (१) (ए) (बी), ११६ (४) आणि ११७ अन्वये त्यांना प्राप्त अधिकारांचा वापर करून हे आदेश जारी केले आहेत. दिनांक २८/०५/२०२६ रोजी सकाळी ०६:०० वाजल्यापासून नमाज पठण पूर्ण होईपर्यंत हे बदल लागू राहतील. या काळात अत्यावश्यक सेवेतील वाहने (अग्निशामक दल, पोलीस वाहने, रुग्णवाहिका इत्यादी) वगळून इतर सर्व वाहनांची वाहतूक आवश्यकतेनुसार वळवण्यात येणार आहे.
मम्मादेवी चौक ते गोळीबार मैदान चौक ते ढोले पाटील (सेव्हन लव्हज) चौक आणि सीडीएओ चौक ते गोळीबार मैदान चौक दरम्यान सर्व प्रकारच्या वाहनांची वाहतूक खालीलप्रमाणे बंद आणि वळवण्यात येईल:
🛑 बंद मार्ग आणि 🔄 पर्यायी मार्ग (तक्ता)अ.क्र. 🛑 बंद मार्ग 🔄 पर्यायी मार्ग
१ भैरोबानाला ते गोळीबार चौकाकडे जाणारी वाहतूक
(सकाळी ०६.०० ते ११.३० या वेळेत आवश्यकतेनुसार बंद) स्वारगेट कडे जाणारी जड वाहने (फक्त मार्केट यार्डकरिता) प्रिन्स ऑफ वेल्स रोडने लुल्लानगर चौक मार्गे जातील. तर पुणे स्टेशनकडे जाणारी हलकी वाहने इम्प्रेस गार्डन रोड मार्गे इच्छित स्थळी जातील।
२ मम्मादेवी चौकातून गोळीबार मैदान चौकाकडे जाणारी वाहतूक वाहने मम्मादेवी चौक बिशप स्कूल मार्गे किंवा कमांड हॉस्पिटल मार्गे पुढे इच्छित स्थळी किंवा नेपीअर रोडने पुढे सीडीओ चौकातून इच्छित स्थळी जातील।सीडीओ चौकातून गोळीबार चौकाकडे येणारी वाहतूक
(नमाज पठण काळात सकाळी ०६.०० ते ११.३० वा. पूर्णतः बंद) लुल्लानगरकडून येणारी वाहने सीडीओ चौकातून डावीकडे वळून इच्छित स्थळी जातील. तसेच खटाव बंगला चौकातून उजवीकडे वळून नेपीअर रोडने मम्मादेवी चौकातून सरळ बिशप स्कूल मार्गे जातील. (या काळात खटाव बंगला चौकातील राईट टर्न बॅन तात्पुरता उठवून तो चालू करण्यात येईल)।
४ सेव्हन लव्हज चौकाकडून गोळीबार मैदानकडे येणारी वाहतूक ही वाहने सॅलसबरी पार्क – सीडीओ चौक – भैरोबानाला येथून इच्छित स्थळी जातील।
५ जुनी सोलापूर बाजार चौकी चौक ते गोळीबार चौक दरम्यानची वाहतूक खाणे मारुती चौकाकडून येणारी वाहने पुलगेट डेपो, सोलापूर बाजार चौक सरळ नेपीअर रोडने, खटाव बंगला मार्गे किंवा मम्मादेवी चौक मार्गे इच्छित स्थळी जातील।
६ लुल्लानगर चौकातून गोळीबारकडे येणारी जड व प्रवासी वाहने
(सर्व जड मालवाहतूक, प्रवासी जड वाहने, एसटी बसेस, पीएमपीएमएल बसेसना पूर्ण मनाई) या सर्व वाहनांनी लुल्लानगर चौकातून भैरोबानाला चौक किंवा गंगाधाम चौकातून इच्छित स्थळी जावे।आवाहन
ईदगाह मैदानाशिवाय शहरातील इतर भागांतील मैदानांवर व मशिदींमध्येही नमाज पठण होणार आहे. त्या भागातील वाहतुकीच्या परिस्थितीनुसार स्थानिक पातळीवर वाहतूक बंद किंवा इतर मार्गाने वळवण्यात येईल. त्यामुळे वाहनचालकांनी संभाव्य गैरसोय टाळण्यासाठी पोलीस प्रशासनाला सहकार्य करावे, असे आवाहन वाहतूक शाखेच्या वतीने करण्यात आले आहे.
या प्रसिद्धीपत्रकाच्या (जावक क्रमांक – पोउपआ/वाह/नियो / २०२६ / ३७८१) प्रती योग्य त्या कार्यवाहीसाठी व बातमी प्रसिद्धीसाठी खालील संबंधित अधिकाऱ्यांना पाठवण्यात आल्या आहेत:
१. जिल्हा माहिती व प्रसिद्धी अधिकारी, नवीन मध्यवर्ती इमारत, पुणे
२. सहाय्यक पोलीस आयुक्त, वाहतूक ४, पुणे शहर
३. पोलीस निरीक्षक, प्रेस रूम, पोलीस आयुक्त कार्यालय, पुणे शहर (पत्रकारांना प्रसिद्धीसाठी देणेबाबत)
४. प्रभारी अधिकारी, वानवडी वाहतूक विभाग, पुणे शहर
५. पोलीस उपनिरीक्षक, मल्टीमीडिया कक्ष, वाहतूक शाखा, पुणे शहर (वेबसाईट, फेसबुक आणि ट्विटरवर अपलोड करणेबाबत)
६. पोलीस निरीक्षक, नियोजन, वाहतूक शाखा, पुणे शहर
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
