सारसबाग बंद करण्याच्या निर्णयावर मिस फरहा चॅरिटेबल फाउंडेशनचा तीव्र निषेध सुरक्षेच्या नावाखाली एका विशिष्ट समाजाला लक्ष्य करण्याचा प्रयत्न; निर्णयाचा तात्काळ फेरविचार करा”
पुणे | प्रतिनिधी
बकरी ईदनंतर “बासी ईद ” या पारंपरिक प्रथेनुसार अनेक मुस्लिम कुटुंबे आपल्या परिवारासोबत पुण्यातील बागा, उद्याने व पर्यटनस्थळांना भेट देत असतात. अनेक वर्षांपासून सुरू असलेल्या या सामाजिक व कौटुंबिक परंपरेचा भाग म्हणून सारसबाग हे मुस्लिम समाजासाठीही एक महत्त्वाचे आकर्षण राहिले आहे. मात्र यावर्षी २८ व २९ मे २०२६ रोजी सारसबाग बंद ठेवण्याचा घेतलेला निर्णय अत्यंत दुर्दैवी, संशयास्पद व भेदभावपूर्ण असल्याची प्रतिक्रिया मिस फरहा चॅरिटेबल फाउंडेशनच्या वतीने देण्यात आली आहे.
फाउंडेशनच्या अध्यक्षा डॉ. फरहा अनवर हुसेन शेख व सामाजिक कार्यकर्ते अनवर हुसेन शेख यांनी प्रसिद्धीपत्रकाद्वारे सांगितले की, जर खरोखरच सुरक्षेचा प्रश्न असेल तर मग फक्त ईदच्या दोन दिवसांनाच सारसबाग का बंद ठेवली जात आहे? २७, ३० किंवा ३१ मे रोजीही बंद का ठेवण्यात आली नाही? पुण्यातील इतर सर्व बागा सुरू असताना केवळ सारसबागच बंद ठेवणे हे एका विशिष्ट समाजाला लक्ष्य केल्याचा संशय निर्माण करणारे आहे.
दोन वर्षांपूर्वीही पुणेचे खासदार मेघा कुलकर्णी यांनी रमजान ईदनंतर “बासी ईद ” निमित्ताने सारसबागेत येणाऱ्या मुस्लिम कुटुंबांविरोधात भूमिका घेत पत्रव्यवहार केला होता व सारसबाग बंद ठेवण्याची मागणी केली होती. त्या वेळीही मिस फरहा चॅरिटेबल फाउंडेशनने या निर्णयाचा तीव्र निषेध नोंदवला होता. आता पुन्हा त्याच पद्धतीने निर्णय घेतला जात असल्याने समाजात नाराजी व्यक्त होत आहे.
फाउंडेशनच्या वतीने पुण्याचे महापौर, उपमहापौर, पुणे महानगरपालिका आयुक्त, उद्यान विभागाचे आयुक्त व संबंधित प्रशासकीय अधिकाऱ्यांना लेखी पत्र देण्यात आले असून, या निर्णयाचा तात्काळ फेरविचार करण्याची मागणी करण्यात आली आहे.
पत्रात नमूद करण्यात आले आहे की, सार्वजनिक बागा या सर्व नागरिकांसाठी समान अधिकाराने खुल्या असतात. सुरक्षेच्या कारणास्तव जर काही अडचणी असतील, तर प्रशासनाने आवश्यक पोलीस बंदोबस्त व सुरक्षा व्यवस्था वाढवावी; मात्र एका समाजाच्या पारंपरिक कौटुंबिक भेटींवर निर्बंध आणणे योग्य नाही.
डॉ. फरहा शेख व अनवर शेख यांनी स्पष्ट केले की, जर प्रत्येक ईदच्या काळात अशा प्रकारे सारसबाग बंद ठेवून मुस्लिम समाजाला अप्रत्यक्षपणे रोखण्याचा प्रयत्न केला गेला, तर मिस फरहा चॅरिटेबल फाउंडेशनच्या वतीने न्यायालयात याचिका दाखल करण्याचाही पर्याय विचाराधीन आहे.
डॉ. फरहा अनवर हुसेन शेख
अध्यक्षा, मिस फरहा चॅरिटेबल फाउंडेशन
अनवर हुसेन शेख
सामाजिक कार्यकर्ते व प्रतिनिधी
मिस फरहा चॅरिटेबल फाउंडेशन, पुणे
Mob 8459867838
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
