पोलीस वर्धापन दिन व पत्रकार दिनानिमित्त लोणी काळभोरमध्ये पोलीस–पत्रकार क्रिकेट सामना
महाराष्ट्र पोलीस वर्धापन दिनानिमित्त २ ते ८ जानेवारी दरम्यान विविध कार्यक्रमांचे आयोजन करण्यात आले आहे. याच अनुषंगाने ६ जानेवारी हा दिवस पत्रकार दिन म्हणून साजरा करण्यात येतो. या निमित्ताने लोणी काळभोर पोलिस स्टेशन व पंचक्रोशीतील पत्रकार यांच्यात आज दुपारी एमआयटी मैदानावर मैत्रीपूर्ण क्रिकेट सामना रंगला.
या सामन्याचे उद्घाटन परिमंडळ ६ चे पोलीस उपयुक्त डॉ. राजकुमार शिंदे यांच्या हस्ते करण्यात आले. यावेळी उपस्थित पत्रकारांना पत्रकार दिनानिमित्त गुलाबपुष्प देऊन शुभेच्छा देण्यात आल्या.
कार्यक्रमास वरिष्ठ पोलीस निरीक्षक राजेंद्र पन्हाळे, पोलीस निरीक्षक (गुन्हे) स्मिता पाटील, सहाय्यक पोलीस निरीक्षक सोपान बाबर, पोउनि सोनटक्के, तसेच इतर अधिकारी व कर्मचारी उपस्थित होते.
सामन्यात प्रथम नाणेफेक जिंकून लोणी काळभोर पोलिस संघाने प्रथम फलंदाजी करण्याचा निर्णय घेतला. पत्रकार संघाकडून चांगला प्रतिसाद देत सामना चुरशीचा झाला. सामन्यात मॅन ऑफ द मॅच पुरस्कार योगेश उदले यांना प्रदान करण्यात आला.
या सामन्याच्या यशस्वी आयोजनासाठी हवेली डॉक्टर्स असोसिएशन तसेच अध्यक्ष डॉ. राहुल काळभोर व डॉ. रतन काळभोर यांनी मोलाचे सहकार्य केले.
पोलीस व पत्रकार यांच्यातील सुसंवाद, सलोखा आणि सामाजिक बांधिलकी वृद्धिंगत करण्यासाठी हा उपक्रम अत्यंत उपयुक्त ठरला, असे मत उपस्थितांनी व्यक्त केले.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
