पुणे:
पुण्यातील होळकरवाडी परिसरामध्ये मित्राचा खून करून फरार झालेल्या आरोपींचा शोध लावण्यात काळेपडळ पोलीस स्टेशनच्या तपास पथकाला मोठे यश आले आहे. पोलिसांनी अत्यंत सराईतपणे अवघ्या ४८ तासांच्या आत मुख्य आरोपीसह त्याच्या दोन्ही साथीदारांना बेड्या ठोकल्या आहेत.
मित्राचा गंभीर दुखापत करून खून
मिळालेल्या माहितीनुसार, दिनांक २०/०६/२०२६ रोजी काळेपडळ पोलीस स्टेशन येथे गु.र.नं. २७३/२०२६ भा.न्या.सं.क. १०३ अन्वये गुन्हा दाखल करण्यात आला होता. या गुन्ह्यातील फिर्यादी यांचे मयत चुलत भाऊ आकाश मारुती झांबरे (वय ३१ वर्षे, रा. झांबरे तालीम चौक, गणेश मंदिराशेजारी, होळकरवाडी, ता. हवेली, जि. पुणे) यांना एका अज्ञात इसमाने अज्ञात कारणावरून डोक्यात व तोंडावर मारून गंभीर जखमी केले होते, ज्यामध्ये त्यांचा मृत्यू झाला होता.
सीसीटीव्ही आणि तांत्रिक विश्लेषणाने लागला सुगावा
या गंभीर गुन्ह्याचा तपास करत असताना पोलिसांनी तांत्रिक विश्लेषण आणि परिसरातील सीसीटीव्ही कॅमेऱ्यांचे फूटेज तपासले. त्या आधारे पोलिसांनी संशयित आरोपी आकाश उर्फ आक्या अशोक भरेकर (वय ३३ वर्षे, रा. मयुर पार्क, हांडेवाडी, पुणे) याला ताब्यात घेतले. त्याची सखोल चौकशी केली असता, त्याने हा गुन्हा त्याचे साथीदार संतोष बबन टकले व साहिल अर्जुन कचरावत यांच्या मदतीने केल्याची कबुली दिली. गुन्हा दाखल झाल्यापासून हे दोन्ही साथीदार फरार होते.
बोपदेवघाटाच्या दिशेने पळताना फिल्मी स्टाईलने आवळल्या आवळल्या मुसक्या
दिनांक २२/०६/२०२६ रोजी तपास पथकाचे पोलीस अंमलदार दाऊद सय्यद यांना त्यांच्या गोपनीय बातमीदारामार्फत खात्रीशीर माहिती मिळाली की, सदर दोन्ही फरार आरोपी येवलेवाडी येथे आले असून तिथून पळून जाण्याच्या तयारीत आहेत. माहिती मिळताच तपास पथकाच्या अधिकारी व अंमलदारांनी तात्काळ येवलेवाडी गाठली. पोलीस आल्याची भणक लागताच आरोपी रिक्षात बसून बोपदेवघाटाच्या दिशेने पळून गेले. मात्र, पोलिसांनी तात्परतेने सापळा रचून, आरोपींचा थरारक पाठलाग केला आणि त्यांना शिताफीने ताब्यात घेतले. त्यांची नावे विचारली असता त्यांनी आपली नावे:
१) संतोष बबन टकले (वय ३४ वर्षे, रा. हांडेवाडी, पुणे)
२) साहिल अर्जुन कचरावत (वय २६ वर्षे, रा. हांडेवाडी, पुणे) असे असल्याचे सांगितले.
या पोलीस पथकाने केली धडक कारवाई
सदरची उल्लेखनीय कामगिरी मा. अपर पोलीस आयुक्त (पुर्व प्रादेशिक विभाग, पुणे शहर) श्री. मनोज पाटील, मा. पोलीस उप-आयुक्त (परिमंडळ ६, पुणे शहर) श्री. जीवन बेनिवाल, आणि मा. सहाय्यक पोलीस आयुक्त (हडपसर विभाग, पुणे शहर) श्री. अतुलकुमार नवगिरे यांच्या मार्गदर्शनाखाली पार पडली.
तसेच वरिष्ठ पोलीस निरीक्षक (काळेपडळ पोलीस स्टेशन) श्रीमती गिरीषा निंबाळकर, आणि पोलीस निरीक्षक (गुन्हे) श्री. अण्णासो बाबर यांच्या सूचनांनुसार तपास पथकातील खालील अधिकारी व अंमलदारांनी ही यशस्वी कारवाई केली:
अधिकारी: सपोनि विलास सुतार, अमित शेटे.
पोलीस अंमलदार: प्रविण काळभोर, दाऊद सय्यद, प्रतिक लाहीगुडे, शाहीद शेख, किशोर पोटे, अमोल फडतरे, निलेश देसाई, अतुल पंधरकर, विशाल ठोंबरे, लक्ष्मण काळे, नितीन ढोले, सद्दाम तांबोळी, प्रदिप बेडीस्कर, महादेव शिंदे, गिरीराज जगदाळे आणि अमोल जाधव.
या धडक कारवाईमुळे काळेपडळ पोलीस प्रशासनाचे सर्वत्र कौतुक होत आहे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
